ରୌଦ୍ର ତାପେ ଉତ୍ତପ୍ତ ଧରଣୀ

ରୌଦ୍ରତାପେ ଏବେ ଉତ୍ତପ୍ତ ଧରଣୀ

ଜଳାଶୟ ଯାଏ ଶୁଖି

ଗୁମୁରି କାନ୍ଦୁଛି ମାଟି ମାଆ ମୋର

ରବି ରୌଦ୍ରବେଶ ଦେଖି

ବାଟୋଇକୁ ଲୋଡ଼ା ଛାଇର ଆସରା

ଗଛଟିଏ କେଣେ ନାହିଁ

ଖୋଜେ ଜଳାଶୟ ପ୍ରଖର ଖରାରେ

ଶୋଷ ମେଣ୍ଟାଇବା ପାଇଁ

ନିତି ନୂଆ ନୂଆ କଳକାରଖାନା

ହେଉଅଛି ଉଦ୍ଘାଟନ

ସେଥିପାଇଁ ପରା ବଳିପଡିଯାଏ

ତରୁ ଲତା ଘଞ୍ଚବନ

ପୁଞ୍ଜିପତି ହେବା ଲକ୍ଷ ନେଇ ନର

ପ୍ରକୃତିକୁ ଭାବି ଶସ୍ତା

ପାହାଡ଼କୁ କାଟି ଗଢ଼ିଚାଲେ ଭାଟି

ଗଢ଼ିଚାଲେ ରାଜରାସ୍ତା

ସେଥିପାଇଁ ଆଜି ପ୍ରକୃତି ଆଖିରେ

ଜଳେ ପ୍ରତିଶୋଧ ନିଆଁ

ସେ ନିଆଁରେ ଆଜି ତିଳ ତିଳ ହୋଇ 

ଜଳୁଅଛି ଏ ଦୁନିଆଁ

ନେଡ଼ିଗୁଡ଼ ଯେବେ କହୁଣୀ ଛୁଇଁବ

ଜିଭଟା ପାଇବ ନାହିଁ

ତେଣୁ ଏବେଠାରୁ ହୁଅ ସାବଧାନ

ପ୍ରକୃତି ସୁରକ୍ଷା ପାଇଁ