ରାମରାଜ୍ୟ__________
ରାମରାଜ୍ୟ__________
1 min
277
ଶାନ୍ତି ସରଣିର
ପଥିକ ହେ ତୁମେ
ଅଶାନ୍ତିକୁ କିବା ଡର।
ଅନ୍ତରରେ ବନ୍ଦୀ
ଶାନ୍ତି- ବଇଦେହୀ
କର ତାହା ଆବିଷ୍କାର।
ନିଜ ହାତେ ପିନ୍ଧି
ମିଥ୍ୟାର ଶୃଙ୍ଖଳ
ଭାଗ୍ୟକୁ ଦିଅନା ଦୋଷ।
ଅସତ୍ୟ- ହରିଣ
ପଛରେ ଧାଇଁଲେ
ଫଳ ସୀତା ବନବାସ।
ମରିନି ରାବଣ
ସୀତାର କଷଣ
ସରିନାହିଁ ପରା ଆଜି।
ସଭିଙ୍କ ମନରେ
ବିରାଜେ ରାବଣ
ହିଂସା ଅହଙ୍କାର ସାଜି।
ଯେତେଦିନ ଯାଏ
ରାବଣ ରାଜତ୍ଵ
ହୋଇନାହିଁ ଅବସାନ।
ଶାନ୍ତି-ସୀତା ବିନା
ରାମରାଜ୍ୟ ସିନା
ହୋଇବ ଦିବା ସପନ।
ହେଉପଛେ ସତ୍ୟ
ବନବାସ ସମ
ନକର ସେଥିକୁ ଭୟ।
ସତ-ସେତୁ ବାନ୍ଧି
ଦଶାନନ ବଧି
ଶାନ୍ତି-ସୀତା କର ଜୟ।
ସତ, ଶାନ୍ତି ଥିଲେ
ଦୟା ଆଉ କ୍ଷମା
ରହିବେନି କେବେ ଦୂରେ।
ରାମରାଜ୍ୟ ନିଶ୍ଚେ
ହୋଇବ ପ୍ରତିଷ୍ଠା
ସଭିଙ୍କର ହୃଦୟରେ।