ରାକ୍ଷୀ ନୁହେଁ ଇଏ

ପ୍ରୀତିର ବନ୍ଧନେ

ବାନ୍ଧି ରଖିଥାଏ ଯିଏ

ଭଉଣୀ ମୋ ସାଙ୍ଗ

ତା ପରି ହେବରେ କିଏ।୧।

ରାକ୍ଷୀ ନୁହେଁ ଇଏ

ସ୍ନେହ ମମତାର ଡୋର

ନିତି ଶୋଭା ପାଉ

କୁନି କୁନି ହାତେ ମୋର।୨।

ମାତୃ ସ୍ନେହ ଦେଇ

କରିଛି ଛୋଟରୁ ବଡ଼

ତା ସୁରକ୍ଷା ମୋର

ଜୀବନେ ସବୁଠୁ ବଡ଼।୩।

କରିନି କେବେ ସେ

କିଛି ରେ ମୋ ପାଇଁ ଉଣା

ସମାଜେ ଆଜି ମୁଁ

ତା ପାଇଁ ମଣିଷେ ଗଣା।୪।

ଜୀଇଁ ଥାଉ ଥାଉ

କରିବି ଆଦର ତାର

ସ୍ନେହ ମମତାରେ

ନ ଥିବ ଟିକିଏ ଡ଼ର।୫।

ଦେଇଛି ସିଏ ତ

ସଂସାରର ସବୁ ସୁଖ

ଜୀବନେ କେବେ ମୁଁ

ଦେବି ନାହିଁ ତାକୁ ଦୁଃଖ।୬।