ରାକ୍ଷୀ ବନ୍ଧନ

ସ୍ନେହ ମମତାର ଅତୁଟ ବନ୍ଧନ

ଗହ୍ମା ପୁନେଇଁର ରାକ୍ଷୀ

ବାନ୍ଧୁଛି ଭାଇ ମୁଁ ଅତି ସରାଗରେ

ଏଇ ରାକ୍ଷୀ ଆମ ସାକ୍ଷୀ ॥

ଆସିଲେ ଭାଉଜ କରିବନି ପର

ଫୁଙ୍କିଲେ ମନ୍ତର ଯେତେ

ଏକା ମାଆ ପେଟୁ ଜନମି ବଢିଛେ

ଭୂଲିବନି ଭାଇ ମୋତେ ॥

ବାପା ବୋଉଙ୍କର ସେବା ଶୁଶ୍ରୂଷାରେ

କରିବନି ଅବହେଳା

ମୋ ସଂସାର ଗଢା ଅନ୍ୟ କାହାଘରେ

ସେଠି ମୋର ଲିଳାଖେଳା ॥

ମୋର ଭଲମନ୍ଦ ବୁଝୁଥିବ ଭାଇ

କହୁଛି ମୁଁ ରାଣ ଦେଇ

ଶ୍ରୀବଳଭଦ୍ରଙ୍କ ଜନ୍ମ ଦିନରେ

ସୁଭଦ୍ରା ଭଉଣୀ ମୁହିଁ ॥

(ସଦାନନ୍ଦ ପ୍ରତିହାରୀ)

୨୫-୦୮-୨୦୧୮