ପୂର୍ଣ୍ଣ ପବିତ୍ରତା
ପୂର୍ଣ୍ଣ ପବିତ୍ରତା
1 min
261
ଧବଳ ଟବଳ ବାସହୀନ ସିନା
ସୌନ୍ଦର୍ଯ୍ୟ ପ୍ରତିମା ଭରା
ଶ୍ବେତ ରଙ୍ଗ ପରା ଶାନ୍ତିର ପ୍ରତୀକ
ଜିଣଇ ଜଗତ ସାରା।
ଶୁଭ୍ର ଆଲୋକର ତେଜ ଦିପ୍ତିମାନ
ଝଟକେ ହୀରକ ସମ
ପୂର୍ଣ୍ଣ ପବିତ୍ରତା ରହିଥାଏ ଯହିଁ
ଶ୍ବେତ ପରା ତାର ନାମ।
ଶଙ୍ଖ ଅଟେ ପରା ପବିତ୍ର ସମାନ
ମନେ ଜାଗେ ଭକ୍ତିଭାବ
ଧଳା ଆସ୍ତରଣ କରଇ ମହାନ
ବିଷ୍ଣୁ କରେ ସ୍ଥିତି ତବ।
ବୀଣାପାଣି ପରା ଆର୍ବିଭାବ ଯେବେ
ଶ୍ବେତ ବସ୍ତ୍ରେ ଅଭିହିତା
ମରାଳ ବାହିନୀ ବ୍ରହ୍ମାଙ୍କ କୁମାରୀ
ଶ୍ବେତ ପୁଷ୍ପେ ଅଭିଷିକ୍ତା।
ଧବଳ ପୁଷ୍ପରେ ଈଶ୍ବର ନିବାସ
ମନେ ଥାଏ ତ ବିଶ୍ବାସ
କରେ ପୁଷ୍ପାଞ୍ଜଳୀ ଅର୍ଘ୍ଯଧୂପ ଘେନି
ତୋ ପାଦେ ଢାଳେ ଆଶ୍ବାସି।