ପୂଜିବି ତୋତେ କେମିତି

କହରେ କାଳିଆ ଗଳାର ମାଳିଆ

    ପୂଜିବି ତୋତେରେ କେମିତି

ଦେଖୁନାହିଁ ଶୁଦ୍ଧ କୌଣସି ଦରବ 

   ବିଗିଡି ଗଲାଣି ମୋ ମତି ॥୦॥

ସକାଳୁ ସକାଳୁ ତୋଳିଲି ମୁଁ ଫୁଲ

    ଦେଖିଲି ମଧୁପର ଗେଲ

ଦେବା ପାଇଁ ଜଳ  ଜଳାଶୟ ଗଲି

   ସେଠି ପୁଣି ମାଛଙ୍କ ଖେଳ

ମନ ମାନୁ ନାହିଁ ଆରେ ଭାବଗ୍ରାହୀ

   କିଛି ତ ପାରୁନାହିଁ ଚିନ୍ତି ॥୧॥

କ୍ଷୀରକୁ ଆଣିଲି ପୂଜିବି ଭାବିଲି

   ଦେଖିଲି ଖାଇଛି ବାଛୁରୀ

ଭାବିଲି ମନରେ  ଧୋଇବି ଲୁହରେ

   ପାଦକୁ କାଳିଆ ତୋହରି

 ପାଉନାହିଁ ମୁହିଁ  ଶୁଦ୍ଧ କିଛି ଏଠି

  ଏକି ମୋ ମନର ବିକୃତି ॥୨॥