ପୁତ୍ରବଧୂ

ପୁଲକିତ ମୋର   ଭାବନାରେ ନାନା

ସ୍ବପ୍ନ ଖେଳେ ମଧୁ ମଧୁ

ଫୁଲ ବରଷାଇ     ସ୍ବାଗତ କରିବି

ଆସ ଆସ ପୁତ୍ରବଧୂ ।

ଅନିଷାରେ ତୁମ     ଉନ୍ମୁକ୍ତ ରହିଛି

ମୋ' ହୃଦନିଳୟ ଦ୍ବାର

ଭେଟି ଦେବା ପାଇଁ   ସଜାଡି ରଖିଛି

ମମତାର ଉପହାର ।

ଉଲ୍ଲାସ ଲହରୀ     ଯାଇଥିବ ଭରି

ଥୋଉଥୋଉ ତୁମେ ପାଦ

ସୁଖସମୃଦ୍ଧିର     ବନ୍ଦାପନା ସାଥେ

ବାଜୁଥିବ ଶଙ୍ଖନାଦ ।

ସୁହାଗିନୀ ବେଶେ  କୁଳଲକ୍ଷ୍ମୀ ପାଶେ

ପରିଜନ ଥିବେ ଘେରି

କୋମଳ ପୟରୁ &

Advertisement

nbsp;   ରୁଣୁଝୁଣୁ ସ୍ବନ

ଶୁଣୁଥିବି କାନ ଡେରି ।

ନିଶ୍ଚିନ୍ତ ରହିବି     ଅର୍ପି ତୁମ କରେ

ଅନ୍ତରେ ସଞ୍ଚିତ ପ୍ରୀତି

ଅଞ୍ଚଳ ପ୍ରସାରି      ଗ୍ରହଣ କରିବ

ସମ୍ଭାଳି ଏ' କୁଳରୀତି ।

ଝଡଝଞ୍ଜା ସହି     ସାଇତିଛି ଯାହା

ଏଯାଏଁ ସମୟ-ସ୍ରୋତେ

ପରମ୍ପରା ଭାବେ    ଆଗକୁ ବଢାଇ

ଉଶ୍ୱାସ କରିବ ମୋତେ ।

ଆସ ବଧୂ ତୁମ    ସିନ୍ଦୂର ଦୀପ୍ତିରେ

ଅନ୍ବେଷି ମୁଁ ସୁଖାଶ୍ରୟ

ଅନୁରାଗଭରା    ସ୍ନେହ ଶ୍ରଦ୍ଧା ପାଇ

ରହିଥିବି ନିରାମୟ ।