ପୁରୁଣା ଦିନ

ଜୀବନ ଦୌଡ଼ରେ ପ୍ରଥମ ହୋଇଛି

ପୁରସ୍କାର ଆଜି ମୋ ପଛରେ ଧାଇଁଚି

ସମ୍ପତ୍ତି ପ୍ରତିପତ୍ତିରେ ଘରବି ଭରିଛି

ତଥାପି ଦୁଃଖରେ ମନ ।

ହଜେଇ ଦେଇଛି ସେ ପୁରୁଣା ସଂପର୍କ

ଛିଣ୍ଡେଇ ଦେଇଛି ସେ ଅଛିଣ୍ଡା ଡୋର

ପଛକୁ ଫେରି ଚାହିଁ ବାକୁ ଲାଗେ ଡର

ସଂପ୍ରତି ନିରବତା ମାଡ଼ି ମାଡ଼ି ଆସେ

ମନକୁ ଆସେ ଯେବେ ଅତୀତ କୋଳାହଳ।

ଲିଭେଇ ଦେଇଛି ସମ୍ପର୍କର ଦୀପ

ଭୁଲେଇ ଦେଇଛି ସେ ଅମାପ ସୁଖ

ରଙ୍ଗମୟ ରଙ୍ଗମଞ୍ଚ ଆଜି ଅନ୍ଧକାର ମୟ

ଅନ୍ଧାର ଭିତରେ ବି ଲାଗେ ଆଜି ଆଲୋକର ଜୟ ।

ଭୁଲି ମୁଁ ଯାଇଛି ପୁରୁଣା ଦିନ

ହଜେଇ ଦେଇନି କି ହଜିନି ମୋ ମନ

ସମୟ ସହ ତାଳ ଦେଇ ଚାଲିବା ମୋ କାମ

ଭବିଷ୍ୟତରେ ପୂର୍ଣ୍ଣ ହେବ ମୋ ମନସ୍କାମ ।