ପୁରାଣ

ଆମରି ସଂସ୍କୃତି       ଶିଖିବାକୁ ଦିଏ

   ନୀତି ନିୟମ ଅଶେଷ

ପୁରାଣରେ ତାହା     ଗଚ୍ଛିତ ହୋଇଛି

    ହୁଏ ନାହିଁ କେବେ ଶେଷ।।

ମୁନି ଋଷି ମାନେ     ଲେଖି ଯାଇଛନ୍ତି

      ଭଗବାନ ଙ୍କର କଥା

ନୀତି ନିୟମ କୁ      ମାନୁଅଛୁ ଆମେ

     ଏହା ନୁହଇ ଅନ୍ଯଥା ।।

ମାନବ ଜାତିକୁ       ଶିଖିବାକୁ ସବୁ

     ଘର ସଂସାର ନିୟମ

ପୁରାଣରେ ସବୁ     ଲେଖି ଯାଇଛନ୍ତି 

      କରିବାକୁ ସେହି କାମ ।।

ରାମାୟଣ ଗ୍ରନ୍ଥେ   ଭାତୃ ସ୍ନେହ ଆଉ

     ପିତୃ ମାତୃ ଭକ୍ତି ଭାବ

ମହାଭାରତ ରେ     ଧରମର ଜୟ

    ଅଧର୍ମର ଶେଷ ହେବ ।।

ଲକ୍ଷ୍ମୀ ପୁରାଣରେ    ବଳରାମ ଦାସ

     ଲେଖି ଜାତିଭେଦ ପ୍ରଥା 

ଶିକ୍ଷା ଦେଇଗଲେ     ସମସ୍ତ ମଣିଷ

    ସମ ବୋଲି ଏହି କଥା ।।

ଆମରି ପୁରାଣ     ଜଣାଇଛି ଆମେ

    ବୀର ଆମ ଜାତି ବୋଲି

ପୁରାଣ ପଢିଲେ     ଶିଖିବାକୁ ମିଳେ

    ତାକୁ ନ ଯିବା ହେ ଭୁଲି ।।

ନାରୀଙ୍କୁ ସମ୍ମାନ    ଗୁରୁ ଜନେ ମାନ୍ଯ

   ଶିଖାଏ ଆମ ପୁରାଣ

ତାହା ଶିଖି ଯିଏ      ପାଳନ କରଇ

    ସେ ହୁଏ ସଂସାରେ ଧନ୍ଯ।।