ପତିପତ୍ନୀ

  ସଂସାର ଗାଡ଼ି ଚଳାଇବାକୁ

    ପ୍ରଭୁ ପତିପତ୍ନୀକୁ ଦେଇଛନ୍ତି ଦାୟିତ୍ଵ

  ଏହି ସୁନ୍ଦର ଯୋଡ଼ି ଏକ ନର ଓ ନାରୀ

    ସମ୍ପର୍କର ସଭିଏଁ ବୁଝିବା ମହତ୍ତ୍ଵ ।।

  ସମାଜରେ ପତିପତ୍ନୀ ଅଟନ୍ତି

    ମୁଦ୍ରାର ଦୁଇ ପାର୍ଶ୍ୱ ଭଳି

  ସୁଖରେ ସଂସାର ଆଗେଇବାକୁ

    ପ୍ରଭୁ କରିଛନ୍ତି ଦୁହିଁଙ୍କ ମେଳି ।।

  ସନ୍ତାନ ଆଉ ମାତାପିତାଙ୍କ

     ଏ ଦୁହେଁ ଅଟନ୍ତି ହିରୋ

  ତାଙ୍କରି ଛାୟା ରେ ସୁରକ୍ଷିତ ମଣୁ

     ଛୋଟବଡ ପୁରା ପରିବାର  ।।

  ସ୍ୱଭାବରେ ଜଣେ ନରମ ଯଦି

     ଆଉ ଜଣେ ପୁଣି ଗରମ

  ମିଠା କଥାରେ ଅନ୍ୟକୁ ଦେଖାନ୍ତି 

      ଦୁହେଁ ବ୍ୟବହାର ଉତ୍ତମ ।।

  ପ୍ରତିଦିନ ନିଶ୍ଚୟ ଏ ଦୁହିଁଙ୍କ ମଧ୍ୟେ

      ହୋଇ ଥାଏ ଖିଟିପିଟି

  ମତାନ୍ତର ହୁଏ କଥାକଥାକେ

     ଆରମ୍ଭ ହୁଏ କଥା କଟାକଟି ।।

  ଦୁହେଁ ଦୁହିଁଙ୍କ ଦାୟିତ୍ଵ ବୁଝନ୍ତି

     ବୁଝିଥାନ୍ତି ହୃଦୟ ବ୍ୟଥା

  କେହି କାହାକୁ କିଛି ନକହି

     ଚାହାଣୀରେ ପୁରା କରନ୍ତି ସବୁ କଥା ।।