ପ୍ରତିଶୋଧ

ଦେଖାଇ ଦେବି ମୁଁ ଅସଲି ଚେହେରା

ଦୁନିଆଁ ଦାଣ୍ଡରେ ଆଜି

ତୁମ ଭଦ୍ରମୁଖା ଖୋଲିଯିବ ସତେ

କେତେ ଭଦ୍ର ଥିଲ ସାଜି ....।।୧।।

କେତେ ପ୍ରତିବାଦ କରିଥିଲି ମୁହିଁ

କେତେ ଯେ ନେହୁରା ହେଲି

ମୋ ଜୀବନ ନଷ୍ଟ କରନାହଁ ତୁମେ

ମୋତେ ଛାଡିଦିଅ ବୋଲି ...।।୨।।

ତୁମେ କି ଛାଡିଲ ମୋ କଥା ଶୁଣିଲ

କାମନାରେ ବଶ ହୋଇ

ବିନା ପ୍ରମାଣରେ ଖସିଗଲ ତୁମେ

ନ୍ୟାୟ ନ ପାଇଲି ମୁଁହି ...।।୩।।

ଯେପରି ମୋପ୍ରାଣ ନେଲ ତୁମେଦୁହେଁ

ଛାତ ଉପରରୁ ଠେଲି

ଆଜି ମୁଁ ତୁମକୁ ସେହି ଦଣ୍ଡଦେଇ

ପ୍ରତିଶୋଧ ପୂର୍ଣ୍ଣ କଲି ...।।୪।।