ପ୍ରତାରଣା

ନିକଟରେ ରହି ମିଠା କଥା କହି

ହୋଇ ପାରିଲନି ବନ୍ଧୁ

ହୃଦୟ ର ଭାଷା ଅବୁଝା ରହିଲା

ଝରିଗଲା କୋହ ବିନ୍ଦୁ ।

ଲୁହ ସିକ୍ତ କଥା ବ୍ୟଥିତ ପ୍ରାଣ ର

ଦୂରେ ନେଇଗଲା ଉର୍ମି

ଫେରିବନି କେବେ ସାଉଁଟି ଆଣିଲେ

ସ୍ମୃତିର ମଳୟ ଚୁମି ।

ସବୁ ମୂଲ୍ୟହୀନ କଥାକୁ ତୁମର

ମୂଲ୍ୟବାନ ଭାବି ନେଇ

ଭୁଲ କଲି ବୋଲି ଭାବିଲା ବେଳକୁ

ସମୟ ରହିଲା ନାହିଁ ।

ପ୍ରତିଶ୍ରୁତି ତୁମ ସୁନାର ପାହାଡ଼

ପାରିଲିନି କେବେ ଛୁଇଁ

ତୁମ ସ୍ମୃତି ସବୁ ସୁନାର ବୋଇତ

କୂଳରେ ଲାଗନ୍ତି ନାହିଁ ।

ପ୍ରତାରଣା ର ସେ ଭଗ୍ନ ଆଇନା

ପଡିଛି ନିର୍ଜନ ପଥେ

ମୃତ ସଂପର୍କ ନଈ କୂଳ ଧାରେ

ନିରବ,ନିଃଶବ୍ଦ ତୁମେ ।