ପ୍ରତାରଣା

କଲିଜା ଖାଇବା ଲୋଭେ

ତୁମକୁ ମୁଁ ଆଣିଥିଲି ନଈ ମଝିକୁ

ତୁମେ କିନ୍ତୁ ବାହାନା କଲ

 ଜାମୁ ଗଛ କୋରଡର

ଧରା ଦେଲନି ଅତି ସହଜରେ ।

ତଥାପି ମୋର ଆଶା ଥିଲା 

ତୁମେ ନିଶ୍ଚୟ ଆସିବ ପାଖକୁ

ଏମିତି ଯଦି ଚାଲିଯିବାର ଥିଲା

କାହିଁ ବସୁଥିଲ ମିତ ମୋ ସହ

ତାଜମହଲଟିଏ ଗଢୁଥିଲ ମୋ ଆଖିରେ  ।

ଚାରିଆଡେ ମରୁଭୁମି ଆଉ ମରୀଚିକା

ତୃଷାର୍ତ୍ତ ବାଟୋଇଟି ସାଜି କାହିଁ

ଖୋଜିବୁଲେ ବରଗଛର ଛାଇ

କିନ୍ତୁ ତୁମେ ଯେ ସିଜୁ କଣ୍ଟାଟିଏ

ଏ କଥା ମୁଁ ଜାଣିପାରିନ ଥିଲି ।

ଭୋକ ବିକଳେ ଓଟ ସାଜି

ନିଜ ରକ୍ତ ନିଜେ ପିଇ

ପାକୁଳି କରେ ଅହରହ

ଚାତକ ଆଖିରେ ଏବେ ବି ଚାହେଁ

ତୁମେ ସିନା ଯାଇଛ ମୋତେ ଭୁଲି ।