ପ୍ରତାରଣା

      

ପ୍ରତାରଣା ପାଇଁ

ନୂଆ ଇତିହାସ   ଭୂଗୋଳ ବଦଳିଯାଏ

ବାଡବାଗ୍ନି ସମ 

ମନୋଜ୍ଞ ନୀଳୟ  ସେତ ଜାଳି ପୋଡ଼ିଦିଏ

କେତେ ରାଜବଂଶ

ମାଟିରେ ମିଶିଛି  ପ୍ରତାରଣାର ଶିକାରେ

ପରାଧିନ ତା’ର

ଦୁଃଖ ବଳୟେ   ବଞ୍ଚିବା ଦୁଃସହ ହୁଏ ।।

ପ୍ରତାରଣା ପାଇଁ

ବିଶ୍ଵ ସଂଗ୍ରାମ ସେ  ପ୍ରୀତିର ପିରାମିଡ୍

ଅମାପ ସୁଖର

ସଂସାର ରଜ୍ଜୁଟା    ହଠାତ୍ ପଡଇ ଛିଡି

ପ୍ରତାରକ ପ୍ରତା-

ରଣା ଯୁପତଳେ    ନିରାପରାଧୀର ବଳି

ପ୍ରପଞ୍ଚ, ବଞ୍ଚକ

 ଅନ୍ତରାଳେ ଥାଇ  ତାତ୍ସଲ୍ୟେ ମାରଇ ତାଳି ।।

ପ୍ରତାରିତ ହୋଇ

ପତନାଭିମୁଖି  କୁଶାଣ‌‌ ମୈ।ର୍ଯ୍ୟ ସାମ୍ରାଜ୍ୟ

ପ୍ରତାରିତ କର୍ଣ୍ଣ

କବଚ କୁଣ୍ଡଳ  ଦାନେ ରଖିବାକୁ ଓଜ

ସହିଦ୍ ହୋଇଲେ

ରାଣୀ ଲକ୍ଷ୍ମୀ ବାଇ ପ୍ରତାରକ ଭାଙ୍ଗେ ଧୈର୍ଯ୍ୟ

ଫାଶୀ ଖୁଣ୍ଟେ ଝୁଲେ

ଭଗତ ସିଂହ   ସହିଦ୍ ତରୁଣ ସୂର୍ଯ୍ୟ ।।

ପ୍ରତାରିତ କରେ

ଛତିଶଗଡଟା  ମହାନଦୀ ଜଳ ବାନ୍ଧି

ପୋଲାଭରମରେ  

ଆନ୍ଧ୍ର ପ୍ରତାରଣା  ଓଡ଼ିଶାର ଜଳ ରୋଧି

ରାଜନୀତିରେ ତ

ପ୍ରତାରଣା ନିତି  କେତେ କେତେ ଅଭିସନ୍ଧି

ପ୍ରତାରକ ଗୋଟେ

“ବିଷକୁମ୍ଭ ପୟୋଂ- ମୁଖ” କୃର ନାହିଁ ନୀତି ।।

ପ୍ରତାରଣା ଜାଲ

ବିଛାଇ ସ୍ଵାର୍ଥାନ୍ଧ  ମୃତ୍ୟୁର ଖେଳ ଖେଳେ

ନୀରିହ ଯୁକବ

ଯୁବତୀମାନଙ୍କୁ  ବାନ୍ଧେ ପ୍ରତାରଣା ଜାଲେ 

ଅକାଳେ ଜୀବନ 

ଜଳଇ ଚିତାରେ   ନିରୀହ ହୁଅଇ ଢାଲ

ପ୍ରତାରକ “ପ୍ରତା- 

ରିତ” ପ୍ରତାରଣା  ସମାଜ ଗଠନେ କାଳ ।।