ପ୍ରଣତୀ ଘେନ

ହେ ଚକାନୟନ ଆହେ ଘନଶ୍ୟାମ

ବ୍ୟାକୁଳ ହୃଦୟେ ଡାକେ,

ଅଥଳ ଜଳରେ ବୁଡ଼ି ବୁଡ଼ି ଯାଏ

ମନେ ମନେ ସଦା ଡାକେ।

ଜାଣି ନାହିଁ ମୁହିଁ ପୂଜା ଅ ରଚନା

ଜଣା ନାହିଁ ମୋତେ କିଛି,

ବୁଝାଇ ଦିଅ ହେ ଜୀବନ ର ମନ୍ତ୍ର

ଭଲ ବାଟ ଦିଅ ବାଛି।

କେତେ ଦୂରେ ତୁମେ ରହିଅଛ ପ୍ରଭୁ

ଦର୍ଶନ ଦିଅ ହେ ଥରେ,

ଏତେ ନିରିଦୟ ହୁଅ ନାହିଁ ପ୍ରଭୁ

ଦୁଃଖିନିକୁ ଚାଂହ୍ ବାରେ।

ମୋ ମନର ବ୍ୟଥା ବୁଝିକି ପାରୁ ନ

ବୁଝି କି ଅବୁଝା ରୁହ

ହେ ବିଶ୍ଵ କରତା ହେ ବ୍ରମ୍ଭାଣ୍ଡ ପିତା

କାହିଁକି ନୀରବ କୁହ।

ତୁମ ବିନା ନାହିଁ ଜୀବନ ର ମାନେ

ତୁମେ ଜଗତ ପିତା,

ତୁମେ ପରା ଅଟ ହରତା କରାତା

ହେ ମୋର ବିଶ୍ଵ ବିଧାତା।

ଆହେ ମହାପ୍ରଭୁ ବଳିଆର ବାହୁ

ତୁମ ପଦେ ଲୟ ଥାଉ

ପ୍ରଣତି ଘେନ ହେ ମୋ କଲାଠାକୁର୍

ଏତିକି କରୁଣା ହେଉ।