ପରମାନନ୍ଦ ସଚ୍ଚିଦାନନ୍ଦ

ସତ୍... !

ସିଦ୍ଧ ତୁମେ ,

ଅଖଣ୍ଡ ତୁମେ...

ପୂଜ୍ୟ ତୁମେ,

ପରିବ୍ୟାପ୍ତ ତୁମେ ... !

ବ୍ରଧ୍ନ ପରି ବଳିଷ୍ଠ,ଭାସ୍ୱର...

ସଦ୍ୟ ସତ୍ୟ ଚିରନ୍ତନ,

ଚିର ବିଦ୍ୟମାନ... !

ନୈତିକ ସଞ୍ଚିତ ସଞ୍ଜୀବନୀ....

ସତ୍ୟନିଷ୍ଠ ସତ୍ୟବାଦୀ,

ସତ୍ୟବ୍ରତୀ ବ୍ୟକ୍ତିତ୍ୱ ବକ୍ଷର,

ଚିର ହରିତ୍ ସାଦର ସାରଥି... !

ଚିତ୍... !

ସ୍ଥିରତାରହିତ...

ଚୈତନ୍ୟ ତୁମେ,

ବ୍ରହ୍ମାଣ୍ଡ ବ୍ରହ୍ମତ୍ତ୍ୱ....

ଅନ୍ତରୀକ୍ଷ ଆତ୍ମା...

ଚିନ୍ମୟ ତୁମରି ସତ୍ତା....

ବିବର୍ଣ୍ଣ ବଳୟ ବକ୍ଷେ

ପରମ ପୁରୁଷ ପରଂବ୍ରହ୍ମ

ପରମ ଈଶ୍ୱର..... !

ଗର୍ବହୀନ ଜ୍ଞାନ...

ଅନନ୍ତ ତୁମରି ସତ୍ତା... !

ତୁମେ ବ୍ରହ୍ମତେଜ ବ୍ରହ୍ମୋର୍ପଣ..... !!

ଆନନ୍ଦ...

ତୁମେ ଆତତ ଆକାଂକ୍ଷା

ପରିମିତ ପୃଥିବୀରେ

ଅପରିମିତ ଅଭିଳାଷ... !

ଆଂଶିକ ଅନ୍ଧାର ବକ୍ଷେ

ଅଣାକାର ଅଣୁ..... !

ପ୍ଳବ ପ୍ଳବ ପ୍ରେରଣାର ଆବାହକ...

ଦିବ୍ୟଜ୍ୟୋତିଃ ଦିବ୍ୟ ପାରିଜାତ...

ଦୁର୍ଜନ ଚରିତ୍ର ପାଇଁ ଦୁର୍ଗ୍ରହ ଦୁର୍ଘଟ...

ସତ୍ୟ ସିଦ୍ଧ କୃତି ପାଇଁ ପେନ୍ଥା ପେନ୍ଥା

ସଂହତ ସଂସ୍କାର...... !

ସତ୍..ଚିତ୍..ଆନନ୍ଦ

ଅନନ୍ତ,ଅପରିସୀମ

ବିଶ୍ଵବ୍ୟାପୀ ପରିଦୃଶ୍ୟମାନ

ଏକରେ ଅନେକ ଅନେକରେ ଏକ !

ତୁମେ ସମ୍ମୋହନ,ତୁମେ ବିମୋହନ

ତୁମେ ଆଲୋଡନ,ତୁମେ ବିସ୍ଫୋରଣ

ତୁମେ ସ୍ଥିତି,ତୁମେ ପ୍ରଜ୍ଞା...

ତେଣୁ ତୁମେ ସ୍ଥିତପ୍ରଜ୍ଞ..... !

ସଂକୀର୍ଣ୍ଣେ ବିସ୍ତୀର୍ଣ୍ଣ, ବିସ୍ତୀର୍ଣ୍ଣେ ଅକ୍ଷୁର୍ଣ୍ଣ

ବର୍ଣ୍ଣରେ ବିବର୍ଣ୍ଣ,ବିବର୍ଣ୍ଣରେ ବର୍ଣ୍ଣ ..!!

କ୍ଷିତି,ଅପ୍ ,ତେଜଃ ,ମରୁତ୍,ବ୍ୟୋମ

ତୁମରି ସଂରଚନାର ଅଭିଷିକ୍ତ

ସୁରମ୍ୟ ପରିଧି....

ପରମ ଆନନ୍ଦ...

ସଚ୍ଚିଦାନନ୍ଦ, ତୁମେ !