ପରକିୟା ପ୍ରୀତି
ପରକିୟା ପ୍ରୀତି
ପରକୀୟା ପ୍ରୀତି – ଭାଗ ୧
ଯେବେଠାରୁ ଲିଗାଲ୍ ହୋଇଲା, ଏହି ପରକୀୟା ପ୍ରୀତି
କିଛି ସ୍ୱାମୀମାନଙ୍କର ଦୁକୁ-ଦୁକୁ ହୋଇ ଉଠିଲାଣି ଛାତି
ତ ପୁଣି କିଛି ଆନନ୍ଦେ ଉଠୁଛନ୍ତି ମାତି
ଯେଉଁମାନଙ୍କର ଅଛି, ପୁର୍ବ-ପ୍ରେମିକା ସହ ରତି
ସେ ସଭିଙ୍କ କୁଣ୍ଢେ ମୁଠ ହେଲା ଛାତି
ଲିଗାଲ ହୋଇଲା ଏବେ ପରକୀୟା ପ୍ରୀତି ............|୧|
ପରକୀୟା ପ୍ରୀତି ଯେବେଠାରୁ ଲିଗାଲ୍ ହେଲାଣି
ସ୍ୱାମୀମାନଙ୍କର B. P. ୧୨୦ରୁ ୧୪୦ରେ ପହଞ୍ଚି ଗଲାଣି
ସୁନାର ସଂସାର ଉଛନ୍ନ ଏବେ ହେଲାଣି,
ଉଠାଣି ଛାଡ଼ିକି ପୁଣି ଗଡାଣି ଆଡ଼େ ଗଲାଣି
ପରକୀୟା ପ୍ରୀତି ଯେବେଠାରୁ ଲିଗାଲ୍ ହେଲାଣି............. |୨|
“ତୁମେ” “ଆପଣ” ‘ଆଜ୍ଞା’ ଛାଡିକି “ତୁ”ରେ ସୀମିତ ହେଲାଣି
ଲକ୍ଷ୍ମୀରୁ ସେ ଏବେ ଦୁର୍ଗା ମା’ ପାଲଟିଗଲାଣି
କହୁଅଛି ସେ, ତୁ ମୋ ସିଂହ – ମୁଁ ତୋ ସିଂହବାହିନୀ
କଥାରେ କଥାରେ ଦେଖାଉଛି ନାଲି ଆଖି, ମାରୁଛି ନିତି କହୁଣୀ
ପରକୀୟା ପ୍ରୀତି ଯେବେଠାରୁ ଲିଗାଲ୍ ହେଲାଣି .........|୩|
ଇଲୋ ମାଆ ପରକୀୟା ପ୍ରୀତି ଏ କ’ଣ କଲା
ଦେଶର ଜାଣିଣି, କିନ୍ତୁ ସ୍ତ୍ରୀମାନଙ୍କର
”ଆଛେ ଦିନ୍ ” ଆସିଗଲା
ସାଧା-ସିଧା-ସରଳ ସ୍ୱାମୀରୁ ଭିଗି-ବିଲି ବନେଇଦେଲା
ଏବେ ମଣିଷ ଶାନ୍ତିରେ କେମିତି ବଞ୍ଚିବ ଭଲା
ପରକୀୟା ନିୟମ ମହଗରୁ ନେଇ
କନ୍ତା ପକେଇଦେଲା .......|୪|
ଭାଇ, କାହିଁକି ପରକୀୟା ପ୍ରୀତି ଯେ ଲିଗାଲ୍ ହୋଇଲା
ଅଜାଗାରେ ପୁଣି ଘା’ଟେ କରେଇ ଦେଲା
ନା ନିଜେ ତାକୁ ଦେଖିହେଲା ,
ନା ଅନ୍ୟ କାହାକୁ ଦେଖାଇଦେଲା
ଭାଇ,
ପରକୀୟା ପ୍ରୀତି ଯେବେଠାରୁ ଲିଗାଲ୍ ହେଲା .........|୫|