ପ୍ରିୟାର ଜନ୍ମଦିନ

ଅଭିନନ୍ଦନ ଲୋ ସୁନା ଧନ ମୋର

ଜନ୍ମଦିନ ଅବସରେ 

ଦେଉଛି ଆଶିଷ ନିରୀହ ହୃଦରୁ

ରହିବ ବୋଲି ଖୁସିରେ ।

ବୟସ ବିଚରା ହୋଇ ଅପାସୋରା

ଭୁଲିଯାଉ ସେ ତୁମକୁ 

ଆୟୁଷ ବିଚରା ହୋଇ ମନୋହରା

ସାଥି ହେଉ ଜୀବନକୁ ।

ଲାଗିଯାଉ ହସ ଖୁସି ଓ ଆୟୁଷ

ତୁମକୁ ଉତ୍ସର୍ଗୀକୃତ 

ମିଳୁ ମୋତେ ତୁମ ଦୁଃଖ କଷ୍ଟ ଲୁହ

ଆନନ୍ଦେ କରିବି ଗୃହୀତ।

ବଡ଼ ଠାକୁରଙ୍କ ରଥଯାତ୍ରା ବାସି

ହୋଇଲ ଜାଣେ ଭୂମିଷ୍ଟ 

ସେଦିନ ଜାଣେନି କେଉଁ ଦିନ‌ ଥିଲା

କେଉଁ ବାର ଓ ତାରିଖ ।

ପାସେ ସିନା ନାହିଁ ଭାଗ୍ୟେ ନାହଁ ବୋଲି

ପାଳିବାକୁ ଏହି ତିଥ 

ଦୂରୁ ଥାଇ କିନ୍ତୁ ଦିଏ ମୁଁ ଆଶିଷ

କରେ କେତେ ମାନସିକ ।

କେବେ ମୁଁ ଜାଣିଲି କେବେ ମୁଁ ଚିହ୍ନିଲି

ତାହା ତ ନାହିଁ ମୋ ମନେ 

କେବେ ଭୁଲିଗଲ ଆଉ କାହା ପାଇଁ

ଥିଲା ସିଏ କେଉଁ ଦିନେ ।

ମନେ ଅଛି କିନ୍ତୁ ଏ ପବିତ୍ର ତିଥି

ଭୁଲି ନାହିଁ ମୋ ଜୀବନୁ 

ଜୀବ ଥିବା ଯାଏ ପାଳନ କରିବି

କେବେ ନ ପାସୋରି ମନୁ ।