ପରୀ

ଫେରିବା ପଥକୁ ମୋର

       ରହି ଅଛି ଚାହିଁ

ଝରକାଫାଙ୍କରୁ ହାତ ପ୍ରସାରୀ

      କାନ୍ଦୁଚି କଇଁ କଇଁ l

ଅଣଦେଖା କଲେ ଅଭିମାନେ

     ଦିଏ ମୁହଁ ଫୁଲେଇ

ସରଗ ପରୀ ମୋର

     କଥା କୁହା କଣ୍ଢେଇ l

କୋଳକୁ ନେଲେ ଟାଣି

   ହସେ ଖିଲି ଖିଲି

ହସ, ସେ ମହୋଷଧି

   କ୍ଲାନ୍ତି ଯାଏ ଭୁଲି l

କୁସୁମ ସମ ପରସ

   ତା ଦୁଇ ହାତର

କୋମଳ ସ୍ପର୍ଶ ଯେସନ

  ଲବଣି ଅବା ସର l

ନାଚୁଥାଏ ଥେଇ ଥେଇ

   ହାତକୁ ମୋ ଜାବୁଡି

କେଡେ ସେ ଚାତୁରୀ

   କାଳେ ଯିବ ପଡି l

ଆନନ୍ଦେ ଉଛୁଳେ ଘର

   ହସୁ ଥିଲେ ପରୀ

ଛୋଟିଆ ପାଦେ ତା

  ଚାଲୁଥାଏ ଥିରି ଥିରି l