ପରୀ କାହାଣୀ
ପରୀ କାହାଣୀ
ଭଲ ଥିଲା ପିଲା ଦିନ
ମନ ହେଉଥିଲା ଉଛନ
ବିଦ୍ୟାଳୟେ ଆସିଲେ
ଇତିହାସ ଶିକ୍ଷକ
ନିଶ୍ଚିତ କହିବେ ଗପ
ଆମ ମନ ସଂଯତ
କରିବାକୁ କହନ୍ତି
କେତେ ପରୀ କାହାଣୀ
ସର୍ତ୍ତ ଥାଏ ନହସିବାକୁ
ସେ ଜଣେ ଗଳ୍ପ ଭଣ୍ଡାର
ପିଲାଙ୍କ ମନ କାରନ୍ତି ସରସ
ଭାରି ମନେ ପଡନ୍ତି ସେ l
ଛୁଟି ହେଲେ
ମନେ ପଡେ ଆଜା ଘର
ଗାଁ ଦାଣ୍ଡ, ତୋଟାମାଳ
ଖଳା ରେ ଭୋଜି ମଜା
ଆଈ କହନ୍ତି ପରୀକଥା l
ମୋ ଜେଜେ କହନ୍ତି
କେତେ ପରୀକଥା
ଦିନେ ମୁଁ ପଚାରିଲି
କେଉଁ ବହିରେ
ଏ ସବୁ ଲେଖା
କେତେ ପଢିଛ ତୁମେ
କହିଲେ ସେ ମୋତେ
ବଡ ହେଲେ ତୁ
ପଢ଼ିବୁ ଏମିତି କେତେ
ଗପ ଓ ପରୀକଥା
ସେ ଦିନଠୁଁ ମୁଁ
କେତେ ଗପ ଓ କବିତା
ତାରି ଭିତରେ ଖୋଜେ
ପିଲା ଦିନର ପରୀକଥା l