ପରିବେଶ ସୁରକ୍ଷା

ଗଛ କାଟି ପଦା କରୁଛି ମଣିଷ

ପ୍ରକୃତିର କରାଳ ରୂପକୁ ଆବାହନ କରି

ନିଜ ହସ୍ତେ ନିଜ ପାଇଁ ବିପଦ ସୃଷ୍ଟି କରେ

ପରିବେଶକୁ କରେ ନିଜ ଇଚ୍ଛାମତେ ବିଶୃଙ୍ଖଳ

ଯେଉଁଠି ଦିନେ ଥିଲା ଘନ ଜଙ୍ଗଲ

ସବୁଜିମା ଭରା ତରୁଲତା ମାଳ ମାଳ

କେତେ ଯେ ଦୁର୍ଲ୍ଲଭ ପାଦପ ବିରଳ

କ୍ଷଣିକେ ଭୂମିଷ୍ଠ କରିଲେ ଲଗାଇ ଯନ୍ତ୍ର ବଳ

ପ୍ରାକୃତିକ ଦୁର୍ବିପାକରୁ ରକ୍ଷା କରି

ଜଙ୍ଗଲ ଯେ ସମୟରେ ମୌସୁମୀ ସୃଷ୍ଟିକାରୀ

ନିଦାଘ ଗ୍ରୀଷ୍ମରୁ କରିଥାଏ ରକ୍ଷା

ଗଛ କାଟି ବିପଦରେ ପଡ଼ିବା ପ୍ରାଣୀ

ମଣିଷ ଯେ ନୁହେଁ ଏକା

ବିଭିନ୍ନ ଜୀବଜନ୍ତୁଙ୍କ ବାସସ୍ଥାନକୁ ବିଗାଡ଼ି

ଲୋପ ପାଇବାକୁ ବସିଲେଣି ଅନେକ ବନ୍ୟପ୍ରାଣୀ

ଥରେ ଗଲେ ଲୋପ ହୋଇ ବିରଳ ପ୍ରଜାତି

ଆଉ କି ଫେରାଇ ପାରିବ ପୁନଶ୍ଚ ତାହାଙ୍କୁ

କ୍ଷୋଭ ଭରା କଣ୍ଠରେ ପଚାରନ୍ତି ପରିବେଶବିତ୍

ବେଳହୁଁ ଯଦି ଏ ମଣିଷ ପ୍ରଜାତି

ସାବଧାନ ନ ହୋଇବ

ସମୟ ଆସିବ,

ନିଜରି ସତ୍ତାକୁ ଅକାଳରେ ହରାଇବ

ପରିବେଶ ସୁରକ୍ଷାର ଚିନ୍ତା ପ୍ରମୁଖ ପ୍ରସଙ୍ଗ ଯାହା

କେବଳ ଯୋଜନାରେ ସାମିଲ ନ କରି

ପ୍ରକୃତରେ ଜଙ୍ଗଲ ମହତ୍ତ୍ଵ ହୃଦୟଙ୍ଗମ କରି

ବିଶ୍ୱ ତାପନ ବୃଦ୍ଧିକୁ ନିୟନ୍ତ୍ରଣ ପାଇଁ

ଆସ ଆମେ ଗଛ ଲଗାଇବା

ନୂତନ ଜଙ୍ଗଲ ସୃଷ୍ଟି କରିବା।