Library
Profile
ପରିବାର
ପରିବାର
1 min
193
ମୋ ପୃଥିବୀ ଗଛର
ରଙ୍ଗ ଯେବେ ହଳଦିଆ
ଫୁଲ ଭଳି ସ୍ନେହ ଶ୍ରଦ୍ଧା ଡାଳରେ ତାହାର
ସେତେବେଳେ ମୋ ପୃଥିବୀ ସର୍ବସଂହା
ମନ ଉପବନେ ପ୍ରଜାପତି ଉଡେ
ଆକାଶରେ ତାରା ଆଖି ମାରେ
ଚାରିଆଡେ ଜହ୍ନ ଆଲୋକର ରଙ୍ଗ
ଲାଗେ ଭଙ୍ଗା ଚଷମା ରଙ୍ଗ ପରି
ଫୁଟପାଥରେ ବିକା କାମଚଳା ଏକଦମ
ଫିକା ଫିକା ରଙ୍ଗ ଓ ଧୂସର ସବୁଜିମା ବିହୀନ
ମୋ ନିଜ ଦୃଷ୍ଟି ଭଙ୍ଗୀ
ମତେ ଚାହେଁ ବଡ ବଡ ଆଖିରେ
ଯେତେବେଳେ ମୋ ପୃଥିବୀରେ
ମମତା ମହ୍ଲାର ଆଉ ମାନବିକତା ନଈ
ରଙ୍ଗ ଦିଶେ ଗାଢ଼
ନୁହେଁ ଜମା ବିବର୍ଣ୍ଣ କି
ଅଦିନିଆ ଝଡ଼ ପରି ରଙ୍ଗ ବିହୀନ
ସେତେବେଳେ
ଗଛ କଥା କହେ ପକ୍ଷୀ ଗୀତ ଗାଏ
ମନ ଉପବନରେ
ପଶୁମାନେ କବିତା ଲେଖନ୍ତି
କବିର ଲେଖନୀରୁ ସୃଜନୀ ଝରଣା
ରଙ୍ଗରେ ଖାଲି ସବୁଜିମା ଭରା ଭରା
ସେତେବେଳେ ନୀଳକଣ୍ଠ ପରି
ସବୁ ବିଷ ଓ ଗରଳ ପିଇ ଯିବାକୁ
ଇଚ୍ଛା ହୁଏ
ରଙ୍ଗ ସବୁ ନ୍ଦ୍ରଧନୁ ସାଜେ
ମୋ ପୃଥିବୀ ଆକାଶର l
