ପ୍ରଗତି

ବିକାଶର ଗତି

ପ୍ରଗତି ଆଡକୁ ନା

ପ୍ରତିଗମନକୁ,

ଜଡର ଗର୍ଭକୁ ନା

ଚେତନାର ଆଲୋକକୁ ?

ଆଲୋକ ସନ୍ଧାନୀ ଆଜି

ଅନ୍ଧାର ବୁକୁରେ ହଜିଛି

ଜ୍ଞାନ ବିନା ପ୍ରବିଧି ବିଜ୍ଞାନ (technology)

ବାଟ ବଣା ହୋଇଛି ,

ଆତ୍ମିକ ବିନା ଆଙ୍ଗିକ

ଆଧ୍ଯାତ୍ମିକ ବିନା ଭୌତିକ

ପ୍ରଗତିର କେତନ ଧରିଛି :::।

ନିର୍ବାଚନ ଏଠି ରଣକ୍ଷେତ୍ର

ପ୍ରତିଦ୍ଵନ୍ଦୀ ଯେତେସବୁ ଶତ୍ରୁ

ଆତତାୟୀ

ଧର୍ମାବତାର ହୋଇଛି

ସେବା ବିନା ସମାଜର

ଟିଙ୍କ ସେ ସାଜିଛି ।

ବିଶ୍ବ ଦେଖ ବଷମୟ ହୋଇଛି

ଭୂମିରୁ ଭୂମିଯାଏ

ଦୁର୍ନୀତି ର ଦୁର୍ଗନ୍ଧ ବ୍ୟାପିଛି

ଜାରଜ ଆଜି ପିତାର ସନ୍ଧାନ ଦେଉଛି ।

ଏତେ ସ୍ବଭାବ ଭିତରେ

ନିଃସଙ୍ଗ ଲାଗୁଛି

ଭାତୃତ୍ବ ର ଦ୍ବାହି ରେ

ଶଙ୍କା ସନ୍ଦେହ ଘାରିଛି ।

ଇର୍ଷା ସ୍ବାର୍ଥ ଅସହିଷ୍ଣୁତା ର ବୀଜ

ମହାଦ୍ରୁମ ହୋଇଛି,

ଯେତେସବୁ ଦୈବୀ ଗୁଣ

ମଣିଷ ଦେହରେ

ଅଭିଶପ୍ତ ଅହଲ୍ୟା ପାଲଟିଛି ।।।