ପ୍ରେମ
ପ୍ରେମ
ତୁମ ଝାଉଁବଣ ସମୁଦ୍ରତଟେ
ଛୁଇଁଥାଏ ଗୋଟେ ଆକାଶ
ମରୀଚିକା କୂଳେ ବସି
ଅଣ୍ଡାଳି ବୁଲେ ମୁଁ
ତୁମ ଗରମ ନିଶ୍ଵାସ
ମରୁର ସପ୍ତଫେଣୀକୁ
କରୁଥାଏ ପାକୁଳି
କି ସୁଆଦ ଲାଗେ ନିଜ ରକ୍ତ ।
ତୁମେ ଅନ୍ଧଟିଏ
ଦେଖାଇପାର ଇନ୍ଦ୍ରଧନୁ
ସଞ୍ଜୟର ବିନା ଦିବ୍ୟଚକ୍ଷୁରେ
ଦକ୍ଷ ଶିକାରୀ ବେଶେ
ଝାମ୍ପିନିଅ ଶିକାର
ବିନା ଦ୍ଵିଧା ଅକ୍ଳଷରେ ।
ମୃତ୍ୟୁ ଛାଡେ ତୁମ ବାଟ
ଜରାଗ୍ରସ୍ତ ଲୋଳିତ ମାଂସ ଛାଡିପାରେନା ଲୋଭ
ଥିବା ଯାଏଁ ଶେଷ ନିଶ୍ଵାସ ।
ସ୍ନାୟୁମାନେ ଅବୋଲକରା
ଛୁଟନ୍ତି ଦିଗରୁ ଦିଗନ୍ତୁ
ଚର୍ମର ଅମୁହାଁଦେଉଳ
ପ୍ରତିଟିଶିଳା ତାର ପ୍ରାଣବନ୍ତ ।
ଦ୍ରବୀଭୁତ ମୋ ଅସ୍ତିତ୍ଵ
ନୂଆ ନୂଆ ଆବେଗେ
ଭୂମିରୁ ଭୂମା ଯାଏଁ ସମସ୍ତ
ଥରୁଥାନ୍ତି ନୀରବ ଚିତ୍କାରେ ।
ସାରିଭାଡି ଅଳସ ଭାଙ୍ଗେ
ଅଜଗର କିଶୋରୀ ମନ
ଝିନ ବସ୍ତ୍ର ଉହାଡେ
ଫୁଟି ଉଠେ ତୁମ ଅଫୁରନ୍ତ ଯୌବନ ।
ନିର୍ଲଜ ଅଲାଜୁକ ପଣ
ଭାଙ୍ଗ ସାମାଜିକ ବାଡବନ୍ଧନ
ଡେଇଁ ନଜର ବନ୍ଦୀ ପାଚେରୀ
ରାଧା ସାଜି ଖୋଜ୍ର କୁଞ୍ଜବନ ।
ବଟରପଡା ରାଜକନିକା
କେନ୍ଦ୍ରପଡା ୭୩୭୭୧୯୭୯୯୯