ପ୍ରେମ

ପ୍ରେମ ନୁହେଁ ଏକ ମହମବତୀ

ଫୁଙ୍କିଦେଲେ ଲିଭିଯିବ

ସେତ ଅଟେ ଏକ ଅଖଣ୍ଡ ଜ୍ୟୋତି

ରହି ରହି ଜଳୁଥିବ l

ପ୍ରେମ ନୁହେଁ ଅବା ସାହିତ୍ୟ ଗଣିତ

ସଂଶୋଧନ କରିହେବ

ସେତ ଅଟେ ଏକ ଅଲିଭା ଦାଗ ଯେ

କାଳ କାଳ ରହିଥିବ l

ନୁହେଁ ସେତ ଅବା ଶୁଖିଲା ପତର

ପବନରେ ଉଡିଯିବ

ଅଟେ ସେତ ଏକ ପ୍ରସ୍ତର ଚଟାଣ

ଯୁଗଯୁଗ ଚମକୁ ଥିବ l

ପ୍ରେମ ଯେ ନୁହେଁ ହୀରା ବା ମୋତି

ପଇସାରେ କିଣିହେବ

ସେତ ଅଟେ ଏକ ଦୁର୍ଲଭ ରତ୍ନ

ତାକୁ ମନ ଦେଇ ଜିଣିହେବ l

ପ୍ରେମର ମହତ୍ୱ ନଜାଣି ନବୁଝି

ପ୍ରେମ କରିହୁଏ ନାହିଁ

ହୃଦୟ ନଦେଇ କଥାରେ କଥାରେ

ପ୍ରେମ ମିଳିଯାଏ ନାହିଁ l