ପ୍ରେମ ତୋର ବର୍ଣ୍ଣବୋଧ

ଜୀବନର ଏଇ   ଚଲାବାଟେ ପ୍ରିୟା

    ଦେଖା ହେଲ ଯେବେ ମୋର

ପ୍ରଥମ କରି ମୋ    ହୃଦୟ କାନ୍ଥରେ

    ଲେଖିଲି ନାମ ତୁମର

ହାତ ତୁମ ଧରି    ଚାଲିବା ପାଇଁକି

    ଦେଲି କେତେ ପ୍ରତିଶୃତି

ତୁମ ପାଇଁ ପ୍ରିୟା   ପାହାନ୍ତି ନିଦରେ

     ଦେଖେ ମୁଁ ' ସପନ ନିତି

ସପନରେ ମୋର ବୋହୂ ରାଣୀ ସାଜି

    ଆସୁଛ ଗୋ ପ୍ରିୟା ତୁମେ

କେତେ କଥା ତୁମେ  କହି ଯାଅ ପ୍ରିୟା

    ଆସି ମୋ ମିଠା ସପନେ

ସପନ କଥାକୁ    ଭାବି ଭାବି ପ୍ରିୟା 

    ଲେଖେ ମୁଁ ପ୍ରେମ କବିତା

ସକାଳରୁ ସଞ୍ଜ    ତୁମ ଭାବନାରେ

     ଜଳେଇ ପ୍ରେମ ସଳିତା

ତୁମେ ରାଣୀ ମୋର  ମୁଁ ରାଜା ତୁମର

    ପ୍ରେମ ଅଟେ ଆମ ସୁଧ

ତୁମ କଥା ଭାବି   ଲେଖିଲି କବିତା

    ତୁମ ପ୍ରେମ ବର୍ଣ୍ଣବୋଧ