ପ୍ରେମ ଓ ପ୍ରତାରଣା

ପବିତ୍ର ପ୍ରେମଟା କଳଙ୍କିତ ଆଜି 

   ପ୍ରତାରଣା ବିଷ ଭରି 

ସବୁ ବୁଝିପାରି ଏ ସଭ୍ୟ ମଣିଷ 

   ଦ୍ୱନ୍ଦ୍ୱେ ହୁଏ ଖାଲି ଘାରି l

ପ୍ରେମ ଫଗୁଣର ଅବିର ରଙ୍ଗଟା 

  ଲାଗେ ଆଜି ଫିକାଫିକା 

ମିଛ ପ୍ରତାରଣା ସନ୍ଦେହ ଘେରରେ 

   ବଞ୍ଚିବାକୁ ହୁଏ ଏକା l

ପ୍ରକୃତ ପ୍ରେମର ସଂଜ୍ଞା ବଦଳିଛି 

   ନାହିଁ ଆଉ ଆକର୍ଷଣ 

କାମନା ନିଶାରେ ବାଟବଣା ଆଜି 

   ପ୍ରେମିକ ପ୍ରେମିକା ଗଣ l

ବୁଝନ୍ତିନି କେହି ପ୍ରେମ ଯେ ଅମୂଲ 

    ସମ୍ପର୍କର ପୂଜାଫୁଲ 

ପ୍ରେମ ସ୍ପର୍ଶେ ଫୁଟେ ସ୍ୱର୍ଗ ପାରିଜାତ 

   ନୁହଁନ୍ତି କେହି ତା' ତୁଲ l

ପ୍ରେମରେ ମିଶିଲେ ପ୍ରତାରଣା ଝୁଲ 

    ଜୀବନଟା ହୁଏ ନଷ୍ଟ 

ପ୍ରେମୀ ଏକା ଜାଣେ ପ୍ରତାରଣା ପାଇଁ  

   ଭୋଗିବାକୁ ପଡ଼େ କଷ୍ଟ l

ପ୍ରେମ ଦୁନିଆରେ ଠିକଣା ହଜେଇ 

   କରନାହିଁ ପ୍ରତାରଣା 

ବିଶ୍ୱାସ ଭରସା ଗହଣା ପିନ୍ଧି କି'

   ଠିକ୍ ରଖ ବୁଝାମଣା l

ପ୍ରେମ ତ ନୁହଁଇ ଭୋଗର ପ୍ରତୀକ 

    ଅଟଇ ସଦା ଶାଶ୍ୱତ 

 ପ୍ରେମ ଅନୁପମ ପ୍ରେମ ନୈସର୍ଗିକ 

   ଜାଣିଛି ଏହା ଜଗତ l