ପର୍ବପର୍ବାଣି

ମୋ ଘରେ

ମୋ ଗାଁରେ

ଯେତେ ପର୍ବପର୍ବାଣି

ସବୁର ମୂଳ

ଆମ କୃଷିକୁ ନେଇ

ଗଢି ଉଠିଛି

କେଉଁ ଅନାଦି କାଳରୁ

ଏବେ ବି

ଆମେ ଜାରି ରଖିଛୁ

ତିଥି ବାର

ମାସ ବର୍ଷରେ ଆସୁଥିବା

ପ୍ରତିଟି ପର୍ବ ପର୍ବାଣୀ

କେବେ ଝୋଟିରେ ଆସେ

ଲକ୍ଷ୍ମୀ ପାଦ , ପଦ୍ମା ଫୁଲରେ

ଶୀତରେ ଥରି ଥରି

କେବେ ବେଲ ପଣନେଇ ଆସେ

ଗ୍ରୀଷ୍ମରେ ଝାଳ ବୁହାଇଆସି

କେବେ ଫଗୁଣରେ ଆସେ

ରଙ୍ଗ ବିରଙ୍ଗ ଅବିର ଉଡାଇ

ଯିଏ ଯେମିତି ଆସୁ

ମନ ଆନନ୍ଦରେ ନାଚୁଥାଏ

ତା ଆସିବା ବାଟକୁ ଚାହିଁ

ସରିଗଲେ ଫେରିଯାଏ

ମନରେ ଦୁଃଖ ଭାରି ଯାଏ

ଭବୁଥାଉ ସେ ନିଶ୍ଚୟ ଆସିବ

ହେଲେ ବର୍ଷେ ଅପେକ୍ଷା କରିବା

ଭାରି ବାଢୁଥାଏ