ପ୍ରଭୁ ଟିକେ ଆସିବ ନିଶ୍ଚେ

ପ୍ରଭୁ ଟିକେ ଆସିବ ନିଶ୍ଚେ

ମୁଖ୍ୟ ଆସନରେ ବସିବା ପାଇଁ

ପ୍ରଭୁ ଟିକେ ଆସିବ ନିଶ୍ଚେ 

ତୁମେ ବସିଗଲେ ସଭାର ଗୌରବ

ଆପେ ବଢିଯିବ ସନ୍ଦେହ ନାହିଁ।

ନିରାଶ ହୋଇଲେ ଆଶାର କିରଣ

ବଞ୍ଚିଦିଅ ଅନ୍ତର୍ଗତେ ତ ଥାଇ 

ଅଭାବ ପଡିଲେ ଭାବର ପସରା

ଯାଚି ଦିଅ ଦୁଃଖ ନପାରି ସହି 

ନୀରବରେ କାନ୍ଦେ ଡାକେ ମନେ ମନେ

କେବଳ ତୁମେ ସାହା ହେବା ପାଇଁ

ପ୍ରଭୁ ଟିକେ ଆସିବ ନିଶ୍ଚେ ମୁଖ୍ୟ ଆସନେ ବସିବା ପାଇଁ।

ବନ୍ଧୁ ପରିଜନ ସଖା ସହୋଦର 

ପାଇବା ଆଶାରେ ଆସନ୍ତା ଧାଇଁ 

ନ ପାଇଲେ କିଛି ଦୂରେଇ ଦିଅନ୍ତି

ବନ୍ଧୁ ତାଲିକାରୁ କାଟିଣ ଦେଇ 

ନ ଦେଇ ମୁଁ କିଛି ପାଶେ ପାଶେ ଥାଅ(ତୁମେ)

ଆପଦେ ବିପଦେ ମୋ ବନ୍ଧୁ ହୋଇ

ପ୍ରଭୁ ଟିକେ ଆସିବ ନିଶ୍ଚେ ମୁଖ୍ୟ ଆସନେ ବସିବା ପାଇଁ।

ଯିଏ ଯା କହୁଛି ସବୁ ତ ଶୁଣୁଛ

ଯିଏ ଯା କହୁଛି ସବୁ ବି ଦେଖୁଛ 

ବିଚାର ତ ଅଛି ତୁମ ହାତେ ପ୍ରଭୁ

ମୋର ହାତ କାତ ପାଇବ କାହିଁ 

ତୁମେ ଥାଉ ଥାଉ ଆଉ ବା କାହାକୁ

ମୁଖ୍ୟ ବୋଲି କେବେ ଭାବି ମୁଁ ନାହିଁ ।

ପ୍ରଭୁ ଟିକେ ଆସିବ ନିଶ୍ଚେ ମୁଖ୍ୟ ଆସନେ ବସିବା ପାଇଁ।