ପରବାସୀଆ

ଆକାଶ, ପୃଥିବୀ ,ପାଣି ଓ ପବନ

ଡାକୁଛନ୍ତି

ଖୋଜୁଛନ୍ତି

ଫେରିଆ ରେ ତୁ ପରବାସୀଆ ।

ରକତ

ବନ୍ଧନ

ସମ୍ପର୍କ

ଆକୁଳେ ଡାକୁଛନ୍ତି

ଫେରି ଆ ରେ ତୁ ପରବାସୀଆ ।

ଗଲୁ ଯେ ଗଲୁ

ଆଉ ନ ଫେରିଲୁ

ଆଗକୁ ଚାହିଁଲୁ

ପଛ ଭୁଲିଗଲୁ

ତୋତେ କିଏ କଲା କିମିଆଁ

ଫେରି ଆ ରେ ତୁ ପରବାସୀଆ ।

ମା ହୃଦୟ ଫାଟିକି ଆଁ

ସ୍ତ୍ରୀ ହୃଦୟେ ଜଳଇ ନିଆଁ

ବୁଢା ବାପକୁ କେ ହେବ ସାହା

ଝିଅ ଖୋଜୁଛି ବାପର ନାଁ

କାନ୍ଦୁଛି ଅଞ୍ଚଳ

କାନ୍ଦୁଛି ତୋ ମାଟି ମାଆ

କାନ୍ଦୁଛି ଜନମ ଥାନ ଗାଁ

ଫେରି ଆ ରେ ତୁ ପରବାସୀଆ ।