ପ୍ରାୟଶ୍ଚିତ

    କର୍ମଫଳେ ନାହିଁ ଆମ ଅଧିକାର

              ମୁକ୍ତି ମାର୍ଗ ପ୍ରଦର୍ଶକ |

    ପ୍ରାୟଶ୍ଚିତ କର୍ମ  ଶାନ୍ତି ପ୍ରଦାୟକ

             ଗର୍ବର ଗତିରୋଧକ |୧|

    ଜ୍ଞାନର ପ୍ରକାଶେ କୁକର୍ମ ଦର୍ଶନ

        ହୁଏ ଦୂର ଅଜ୍ଞାନତା |

    ପ୍ରାୟଶ୍ଚିତ କରି ମୁକୁଳିତ ହୁଏ

       କରି ଶୁଭ  ଅନୁଚିନ୍ତା |୨|

    କୈକେୟୀ ଅନ୍ୟାୟେ ପ୍ରଭୁ ରାମଚନ୍ଦ୍ର

         କରିଥିଲେ ବନବାସ |

   ପୁତ୍ର ଭରତର  ପ୍ରାୟଶ୍ଚିତ କର୍ମେ

     ଧନ୍ୟ ସେଇ   ପିତାମାତ |୩|

   ମାୟାର ସଂସାରେ   ମୋହଗ୍ରସ୍ତ ହୋଇ

          ଅଭିଶପ୍ତ କର୍ମେ ରତ |

   ପ୍ରାୟଶ୍ଚିତ କର୍ମେ   ଜୀବର ହୃଦୟ

         ହୁଏ ନିର୍ମଳ ଆଉ ପବିତ୍ର |୪|

   ଅଟେ ମହାଧର୍ମ ପ୍ରାୟଶ୍ଚିତ କର୍ମ

     ଗୁରୁ  ଦେଇଗଲେ ଜ୍ଞାନ |

  ଅଙ୍ଗୁଳି ପ୍ରଦାନେ  ଏକଲବ୍ୟ ପରା

  ଜୀବନ କଲା  ତା ଧନ୍ୟ ||୫|