ପଞ୍ଚୁକ

ପଞ୍ଚ ମୂରୁଜରେ ବୋଳି ହୋଇ ଆସେ

ଧରାବତରଣ ଦୃଶ୍ୟ

ସତେକି ସ୍ୱପ୍ନର ଝୁଲଣା ଓହ୍ଲାଏ

ଏକାଦଶୀରୁ ପୂର୍ଣ୍ଣିମା

ଶେଷ ପାଞ୍ଚ କାର୍ତ୍ତିକରେ

ହବିସାନ୍ନର ସମାରୋହ

ଖୋଳ ମୃଦଙ୍ଗର ତାଳେ ତାଳେ

ଗାଁ ତାଳଦାଣ୍ଡିରୁ ଠାକୁରାଣୀ ଚଉତରା

ଧବଳ ଗୌରୀକ ବସନ

ଧୂପଦୀପର ମହମହ ବାସ୍ନା

ଯେମିତି ବର୍ଷୁଛି ,

ସ୍ୱର୍ଗର ଭୂବନ ମୋହିନୀ ବେଶ

ବେଶ୍ ନଦୀରୁ ପର୍ବତ

କାକ ବକ ବି ଆଣନ୍ତି ସଂଜମତା 

ଆହାର ବିହାରେ

ଲାଲ୍ ଟୁକୁଟୁକୁ ସାଧବବୋହୁ ,

ଅବିକଳ ଧୂଳି ଖେଳୁଥାଏ

ଶୀତର ସତରଞ୍ଜି ଖୋଡେଇ 

ଉଠୁଥାଏ ଧରା

କି ଅଭିଆଡି କି ଭୁଆଶୁଣି

ସରସର ଲୁଗା ପିନ୍ଧି ଓଦା

ପାଦଚିପି ଚାଲନ୍ତି ତୁଠରୁ ,

ପାଳିବେ ପଞ୍ଚୁକ

ବୁଣିବେ ମୂରୁଜ 

କେତେ କଳା ଚାତୁରିରେ

ଉଠିବ ଆକାଶ ଦୀପ ,

ମଥାନ ଉପରୁ ଜଳୁଥିବ ଦିକିଦିକ୍

ଚଉଁରା ମୂଳରେ

ସୃଷ୍ଟିର ଫଳନ୍ତି ମାସଟା ,

ଏମିତି ପାରିହେଉଥିବ ପଞ୍ଚୁକ ପିଠିରେ