ପଳାତକ ସ୍ବପ୍ନ

ଅତୀତର ସ୍ଵପ୍ନଭିଜା ମଉଳା ପଥରେ

ଦିଗହରା ପଥଭ୍ରଷ୍ଟ ହୋଇ

ଭବିଷ୍ୟର ଆଶା ସମ୍ଭାବନାକୁ ସାଉଁଟେ

ପ୍ରୟାସ ଭିତରେ ଅଭିଳାଷ ନେଇ ।

ସ୍ବପ୍ନ ଉପହାସ କରିବାର କ୍ଷମତା ରଖି

ନିଉଛଣା ଜୀବନ ଗଢେ

ରାତି ପାହିଗଲେ ଧୂଳିସାତ ବତୁରା କୁହୁଡି

କାକର ବିନ୍ଦୁ ହୋଇ ଝରିପଡେ ।

ନାଁ କ୍ଷୋଭ କରିହୁଏ ନା ଯାତନା ସହିହୁଏ

ତଥାପି ସ୍ବପ୍ନ ଆସେ

ଅନ୍ଧାରକୁ ସାଥିରେ ନେଇ ପିଆଲା ମନେ

ନିର୍ଲଜ ଅତୀତକୁ ବଖାଣି ବସେ ।

ପଳାତକ ଘୋଷିତ ହୁଏ ସପନ

ବିଚାର କରେ ସମୟ ସାଥେ

ଜୀବନର ଉପସ୍ଥିତି କାନ୍ଥରେ ଦୁର୍ବଳ ଦାଗ

ବଞ୍ଚିବାର ନୂତନ ପଥେ ।

ବିଡ଼ମ୍ବିତ ଅଧ୍ୟାୟ ସରଞ୍ଚନା କରିବସେ

ଅଜଣା ରାତି ଅନ୍ଧକାରେ

ପଳାତକ ସ୍ବପ୍ନ ସତ୍ୟ ଉପସ୍ଥାପନ ପାଇଁ

ନିତି ସମୟକୁ ବାଧ୍ୟ କରେ ।