ପିତା
ପିତା
ହେ ପିତୃ ଦେବ ଘେନ ମୋର ଭକତି ଭାବ
ତୁମ୍ଭ ଚରଣେ ମୋର କୋଟି ପ୍ରଣାମ
ପରମାତ୍ମାଙ୍କର ଦ୍ବିତୀୟ ରୂପ ତୁମ୍ଭେ
ସୃଷ୍ଟି କଲ ଦେଇ ବ୍ରହ୍ମ ।
ପିତା ହିଁ ଈଶ୍ୱର ପିତା ପରମେଶ୍ବର
ପିତୃ ବିନା ମୁକ୍ତି ନାହିଁ
ତୁମ୍ଭରି ଆଶିଷେ ମୁଁ ଜ୍ଞାନ ଅରଜରିଛି
ତୁମେ ହିଁ ଜଗତ ସ୍ଵାଇଁ ।
ଛୋଟ ଥିଲି ଯେବେ ହସ୍ତ ଧରି ମୋର
ଚଲନ କ୍ରିୟା ଦେଲ ଶିଖେଇ
କେତେ ଉପବାସ କରି ଭୋକିଲା ରହିଣ
ମତେ ଯେ ଦେଲ ଖୁଏଇ ।
ମୋ ଖୁସି ପାଇଁ ଶରୀରେ ତୁମ୍ଭରି
କେତେ ଦୁର୍ଦ୍ଦଶା କେତେ ଯାତନା ବୋହିଣ
ଖରା, ବର୍ଷା,ଶୀତ ସହ୍ୟ କରି ଆନନ୍ଦେ ପାଳିଲ
ଧନ୍ୟ ପିତା ତୁମେ ଧନ୍ୟ ।
ପିତୃ ଋଣ କେବେ ସୁଜି ପାରିବିନି
ଭାବ ଭକ୍ତି ସଦାସର୍ବଦା ଦଉଥିବି ଢାଳି
ସବୁ ଜନମର ମୋ ପିତା ହୋଇଥିବ
ତୁମ୍ଭର ସନ୍ତାନ ଟି ଏତିକି କରୁଛି ଅଳି ।