ଭାବର ବନ୍ଧନ

ଭାବର ବନ୍ଧନ    ବାନ୍ଧି ଦେଲି ଭାଇ

     ଭାବ ସର ସର ହୋଇ ।

ଲୋଡା ନାହିଁ କିଛି   ତୁ ପାଖେ ଥିଲେ

     ଧନ୍ୟ ହୋଇଯିବି ମୁହିଁ ।।

ଭାଇ ନୋହୁ ତୁ ମୋ   ସାକ୍ଷାତ ଦେବତା 

      ପାଇଛି ଏହି ଜନମେ 

ତତେ ପାଇ ସବୁ   ଦୁଃଖ ଚାଲିଗଲା

    ଖୁସି ବରଷିଲା ମୋ ମନେ ।।

ଆଜି ସିନା ଭାଇ   ଅଝଟିଆ ହୋଇ 

    ତୁମ ପାସେ ଅଛି ରହି ।

ବିଦା କରିଦବ    ଦିନ କେତେ ଗଲେ 

    କେମିତି ପାରିବି ସହି ।।

ଦୁନିଆ ରେ ମୋର    ନଥିଲେ ଟି କେହି

     ଯତନେ ରଖିଲ ମତେ ।

ନିଜ ପେଟ ମାରି   ମତେ ଖୁଏଇଲ 

      ସହି ଖରା ବର୍ଷା ଶୀତେ ।।

ତୋ ସ୍ନେହ ସରଧା   ମୋ ପାଇଁ ଅମୃତ

       ପାଇ ଶାନ୍ତି ହେଲା ମନ ।

ଭାଇ ଭଉଣୀ ର  ‌ ସମ୍ପର୍କ ଡୋରି ଟି

     ରହିଥାଉ ଚିରଦିନ ।।