ପିଲେ ହୁଅ ବିଶ୍ଵକର୍ମା

ଶୁଣ ହେ ପିଲେ କିଏ ବିଶ୍ବକର୍ମା ଦେବ

ତାଂକରି ଯୋଗୁଁ ହିଁ ବିଶ୍ବର ସୃଷ୍ଟି ସମ୍ଭବ

କାରିଗରୀ କଳାର ଯେତେ ଆଧାର

ଗଢ଼େ ଏ ସଂସାରେ ସେ ଇଂଜିନିୟର

ତା ସୃଷ୍ଟରେ ସବୁ ସୌନ୍ଦର୍ଯ୍ୟ ଭରିଛି

ତାଂକ ଯୋଗୁଁ ପୃଥିବୀ ସୁନ୍ଦର ଦିଶୁଛି

ଆମେ ହେବା ଭବିଷ୍ୟତରେ ଇଂଜିନିୟର

ପ୍ରକୃତିରେ ଅଛି ଯାହା କରିବାନି ଛାରଖାର

ଅତୀତେ ପ୍ରକୃତିକୁ୍ ନାଶି ଜଙ୍ଗଲକୁ କାଟିଛେ

କୃତ୍ରିମତା ଆଡ଼େ ଯାଇ ଧ୍ୱଂସ ଆଡକୁ ଯାଇଛେ

କେତେ କଳ କାରଖାନା ପ୍ରତିଷ୍ଠା କରିଛେ

ପରିବେଶ ନଷ୍ଟ କରି ପ୍ରଦୂଷଣ ବଢ଼ାଇଛେ

ନିଜ କୁରାଢ଼ିରେ ନଜର ପାଦକୁ ତ ହାଣିଛେ

ଅସାଧ୍ୟ ରୋଗ ହୋଇ କର୍ମ ଫଳ ଭୋଗୁଛେ

ପାହାଡ଼ର ସବୁଜିମା ପରଶରେ ନାଚେ ମନ

ଅତୀତ ରୋମନ୍ଥନରେ ଦୁଃଖ ହେବାନି ଜାଣ

ନବ ଯୁଗର ପିଲାଏ ହୁଅ ବିଶ୍ବକର୍ମାର ବଂଶଧର

ବୈଜ୍ଞାନିକ ହୁଅ, ସୁତ୍ରଧାର ହୋଇ ଦୂର କର

ପ୍ରଦୂଷଣ ଜହର. ।