ଫୁଲ ବଉଳ ବେଣୀ ସାମ୍ପ୍ରତିକ

ସାରା ବିଶ୍ବରେ ଭାଳେଣି ଲୋ ଫୁଲ ବଉଳ ବେଣୀ

ଦୁଇଶ ଦଶଟା ଦେଶରେ ମାତିଛି

ଦୁଇଶ ଦଶଟା ଦେଶରେ ମାତିଛି

ଘରୁ ନିଏ ସିଏ ଟାଣି ଲୋ ଫୁଲ ବଉଳ ବେଣୀ ।

ଯେତେ ବଡ ବଡ ଦେଶ ଲୋ ଫୁଲ ବଉଳ ବେଣୀ

ସେତେ ଅଧିକ ସେ ହୀନସ୍ତା ହୁଅନ୍ତି

ସେତେ ଅଧିକ ସେ ହୀନସ୍ତା ହୁଅନ୍ତି

କରୋନାର ମହା ପାଶ ଲୋ ଫୁଲ ବଉଳ ବେଣୀ ।

ଗ୍ରୀଷମ ଦେଶ ଆମର ଲୋ ଫୁଲ ବଉଳ ବେଣୀ 

ଝାଳ ବୁହେ ବୋଲି ଡରୁଥିଲେ ଯିଏ

ଝାଳ ବୁହେ ବୋଲି ଡରୁଥିଲେ ଯିଏ

ଖରାରେ କଟାନ୍ତି କାଳ ଲୋ ଫୁଲ ବଉଳ ବେଣୀ ।

ବିବିଧତାରେ ଏକତା ଲୋ ଫୁଲ ବଉଳ ବେଣୀ

ଚାଳିଶି ଦିନକୁ ଘରେ ପଶିଛନ୍ତି

ଚାଳିଶି ଦିନକୁ ଘରେ ପଶିଛନ୍ତି

ମାନି ସରକାର କଥା ଲୋ ଫୁଲ ବଉଳ ବେଣୀ ।

ଛିଙ୍କ କାଶ ଟିକେ ହେଲେ ଲୋ ଫୁଲ ବଉଳ ବେଣୀ

ଶହେ ଚାରିକୁ ସେ ଡାଏଲ୍ କରନ୍ତି

ଶହେ ଚାରିକୁ ସେ ଡାଏଲ୍ କରନ୍ତି

ଆପେ କ୍ୱାରାଣ୍ଟାଇନ୍ ହେଲେ ଲୋ ଫୁଲ ବଉଳ ବେଣୀ ।

ଘରୁ ବାହାରକୁ ଗଲେ ଲୋ ଫୁଲ ବଉଳ ବେଣୀ

ମାସ୍କ୍ ବାନ୍ଧି ସେହୁ ଚାଲି ଚାଲି ଯାନ୍ତି

ମାସ୍କ୍ ବାନ୍ଧି ସେହୁ ଚାଲି ଚାଲି ଯାନ୍ତି

ସୁନା ପିଲା ହେଇଗଲେ ଲୋ ଫୁଲ ବଉଳ ବେଣୀ ।

ମଇର ତିନି ବେଳକୁ ଲୋ ଫୁଲ ବଉଳ ବେଣୀ

ଦେଶ ଆମ ହେବ କରୋନାରୁ ମୁକ୍ତ

ଦେଶ ଆମ ହେବ କରୋନାରୁ ମୁକ୍ତ

କଥା ରହିବ କାଳ କାଳକୁ ଲୋ ଫୁଲ ବଉଳ ବେଣୀ ।

ଭାରତ ସଂସ୍କାର ଗାଥା ଲୋ ଫୁଲ ବଉଳ ବେଣୀ

ସାରା ପୃଥିବୀରେ ଚହଳ ପକାଏ

ସାରା ପୃଥିବୀରେ ଚହଳ ପକାଏ

ମାନ ବିଶ୍ୱେଶ୍ୱର ହୀନ କଥା ଲୋ ଫୁଲ ବଉଳ ବେଣୀ ।