🛑🛑🛑ଫ୍ରି ଇଣ୍ଡିଆ🛑🛑🛑

ପନ୍ଦର ଅଗଷ୍ଟ ଗୌରବର ଦିନ

ସ୍ୱାଧୀନ ହୋଇଲେ ଆମ୍ଭେ,

ବଳିଦାନ କଥା ସ୍ମରଣ କରିଣ

ବନ୍ଦନା କରିବା ଆମ୍ଭେ।୧।

ମୁକ୍ତ ରାଷ୍ଟ୍ରେ ରହି ସ୍ୱାଧୀନତା ପାଇ

ସ୍ୱାଧୀନ ଅର୍ଥ ଗୋପନ,

ଝିଅ ନିର୍ଯ୍ୟାତନା ହେଉଛି ଦେଶରେ

ଅତି ହିଁ ଦୁଃଖିତ ମନ।୨।

ରାତିରେ ପଦାକୁ ଯିବା ଡ଼ର ଲାଗେ

ଆମ୍ଭ ମାଆ ଭଉଣୀଙ୍କୁ

ସ୍ୱାଧୀନ ଦେଶରେ ରହି ପୁଣି ସେହୁ

ଡ଼ର ମାଡ଼େ କିମ୍ପା ତାଙ୍କୁ?।୩।

ଯିବେ ବିଦ୍ୟାଳୟ ଆମର ଶିଶୁ ହିଁ

ପିତୃମାତୃଙ୍କ ଦାୟିତ୍ୱ,

ସ୍କୁଲକୁ ନ ଯାଇ କାର୍ଯ୍ୟ କରୁ ଛନ୍ତି

କିପରି ଅଟେ ଦାୟିତ୍ୱ?।୪।

ଯେଉଁ ଦେଶେ ଜନ୍ମ ରାଣୀ ଲକ୍ଷ୍ମୀବାଇ

ଜନ୍ମ ସରୋଜିନୀ ତହିଁ,

ଭୃଣ ହତ୍ୟା ହୁଏ ପବିତ୍ର ଦେଶରେ 

ମନଟି ଦୁଃଖିତ ତହିଁ।୫।

ନାରୀ ନିର୍ଯ୍ୟାତନା ନ ହେଉ ଦେଶରେ

ନ ହେଉଟି ଭୃଣ ହତ୍ୟା

ଶିଶୁ କାର୍ଯ୍ୟ ଛାଡ଼ି ଯିବେଟି ସ୍କୁଲ

କର ଏହି କାର୍ଯ୍ୟ ନିତ୍ୟ।୬।

ସ୍ୱତନ୍ତ୍ର ଦେଶରେ ସ୍ୱାଧୀନେ ରୁହନୁ

ଡ଼ର କିମ୍ପା ଭାଇ ଏଠି?

କଠୋର ଦଣ୍ଡରେ ଦଣ୍ଡିତ ହୁଅନ୍ତୁ

କୁକର୍ମେ ଜଡ଼ିତ ଏଠି।୭।

ଦୁରାଚାରୀଙ୍କର ବହିଷ୍କାର ହେଉ

ଦଣ୍ଡିତ କର ତାଙ୍କର,

କଳଙ୍କ ଲଗାନ୍ତି କୃଷ୍ଣ ରାମ ଦେଶେ

ଦାନବ ରୂପ ତାଙ୍କର।୭।

କଳଙ୍କ ଲଗାନ୍ତି ସ୍ୱାଧୀନ ଭାରତେ

ଅତ୍ୟାଚାରୀ ହିଁ ଏମାନେ,

ମୃତ୍ୟୁ ଦଣ୍ଡ ହେଉ ଏପରି ଜନଙ୍କୁ

କର ତିରସ୍କାର ମନେ।୮।

ସମ୍ପୂର୍ଣ୍ଣ ସ୍ୱତନ୍ତ୍ର ତେବେ ହିଁ ହୋଇବା

ନ ଥିବ ପାପ ସମସ୍ୟା,

ସ୍ୱତନ୍ତ୍ର ଦେଶରେ ଧର୍ମପଥ ରହୁ

ନ ହେଉ ଭୃଣ ସମସ୍ୟା।୯।

ପନ୍ଦର ଅଗଷ୍ଟ ଗୌରବର ଦିନ

ସ୍ୱାଧୀନ ହୋଇଲେ ଆମ୍ଭେ,

ବଳିଦାନ କଥା ସ୍ମରଣ କରିଣ

ବନ୍ଦନା କରିବା ଆମ୍ଭେ।୧୦।