ଫର ଫର କାହିଁ ଉଡେ ବାନା ତୁମର
ଫର ଫର କାହିଁ ଉଡେ ବାନା ତୁମର
ଯଶୋଦା ମା’ର ଗାଳି, ତା ଭାବ ଭକ୍ତିରେ ଭଳି
ଶୁଣିନକି, ହେ ପ୍ରଭୁ ଶୁଣିନାକି !
ଦ୍ରପୌଦୀ ଡାକିଲା ବେଳେ, ଡାକ ତାର ଶୁଣି ହେଳେ
ଆସିନକି, ହେ ପ୍ରଭୁ ଆସିନକି !
ଜଣକୁ ଦେଇ ପୁଣି, ଜଣକୁ ଦିଅ ନାହିଁ
ଏ ପାତର ଅନ୍ତର, ଶୋଭା ତ ପାଉ ନାହିଁ l
ଅହଲ୍ୟାକୁ ପାଦ ଧୂଳି ଦେଇ, ତାକୁ ଶାପୁ ମୁକ୍ତି
କରିନକି, ହେ ପ୍ରଭୁ କରିନକି !
ସବୁରି ସାଥୀ ବୋଲି, ଜଗତେ ଚର୍ଚ୍ଚା ନିତି
ବନ୍ଧୁ ବେଭାର କଣ, ଗଲଣି ପ୍ରଭୁ ଭୁଲି
ବନ୍ଧୁ ରଖିବାକୁ ଯାଇ, ରଥେ କାର ସାରଥୀ ତ
ହୋଇନକି, ହେ ପ୍ରଭୁ ହୋଇନକି !
କରୁଣା ସାଗର ଥାଇ, କରୁଣାରେ ଊଣା କାହିଁ
କୃପାଳୁ ନାମକୁ ତୁମ, ଅସାର୍ଥକ କର କାହିଁ
ବଡ ପଣ ପାଇଁ ତୁମ, ପତିତପାବନ ବାନା ଫର ଫର
ଉଡିନିକି, ହେ ପ୍ରଭୁ ଉଡିନିକି !
ବିଶ୍ଵାସ ଆଉ ଆସ୍ଥାର, ଶେଷ ଆଶ୍ରୟ ତୁମେ ଭବେ
ଯେ ଡାକିଛି ଆତୁରେ, ନିରାଶ କରିନ କେବେ
ତୁମେ ସେଇ ପ୍ରଭୁ ପରା, ଦିଅ ଆଜି ଆଖି ଚୋରା
ମୋ ପାଇଁକି, ହେ ପ୍ରଭୁ ମୋ ପାଇଁକି l