ଫୋନି ତୁମେ ଚାଲିଗଲାପରେ

ଆକାଶଟା ଆଜି ସମ୍ପୁର୍ଣ୍ଣ ନିର୍ମଳ

ତୁମେ ଚାଲିଗଲା ପରେ

ବାଟୋଇ ଚେହେରା ବାରି ହୋଇପଡ଼େ

ତୋଫା ଜହ୍ନ ଆଲୁଅରେ ।

ନର,ପଶୁ,ପକ୍ଷୀ,କୀଟ,ପତଙ୍ଗାଦି

ବ୍ୟସ୍ତ,ବିବ୍ରତ ଆଜି

ଉଦଣ୍ଡି ଫୋନିର ଔଧତ୍ୟ ତାଣ୍ଡବେ

ବସା ତ ଯାଇଛି ଭାଜି ।

ମହଲ ମଲ୍ଲୀକା ଗ୍ରାମ୍ୟ କୁଟୀରରେ

ତୁମରି ସୁଦୟା ବଳେ

ମହଲେ ଖଚିତ ବହୁମୂଲ୍ୟ ଦ୍ରବ୍ୟ

ଲୋଟିଲା ଧରଣୀ ପରେ ।

ସୁନସାନ ଆଜି ସହର ଲାଗଇ

ଭାଙ୍ଗି ଦୋକାନ ବଜାର

ପାଣି, ପବନ ଓ ବିଜୁଳି ପାଇଁକି

ଗାଁ ରେ ଜମିଛି ଭିଡ଼ ।

ସମୁଦ୍ରକୁ ଶଙ୍ଖେ ସରକାରୀ ଯୋଜନା

ପାଏ ବାସହିନ ଲୋକ

ପଶୁପକ୍ଷୀ ବାସ କିଏସେ ଗଢ଼ିବ

କିଏ ବା ଦବ ସାହସ ।

କେତେ କିଏ ମଲେ କେତେ ଯେ ହଜିଲେ

ଚାଲେ ହିସାବ ନିକାସ

ଚୁଡା,ଗୁଡ଼ ଆଉ ପଲିଥିନ ବଣ୍ଟା

ଲେଖା ହେବ ଇତିହାସ ।

ଫେରି ଆସି ଦେଖ ତୁମ ପରାକ୍ରମ

କେହ୍ନେ ଗ୍ରାସିଛ ଓଡିଶା

ଚୁଲି,ଚାଳ ଭାଙ୍ଗି କି ଯଶ ଅର୍ଜିଲ

ଅନ୍ୟକୁ ଦେଇ ଦୁର୍ଦ୍ଦଶା ।

କା'ର ବୃହସ୍ପତି ପଞ୍ଚମେ ରହିଲେ

କିଏ ଶନି, ରାହୁ ମେଳେ

ଗରିବଙ୍କ ଭାଗ୍ୟ ତୁମ ଔଧତ୍ୟରୁ

ରହୁଛି ପଥର ତଳେ ।