ପହିଲି ବରଷା
ପହିଲି ବରଷା
ପହିଲି ବରଷା ପ୍ରୀତିର ପରଷା
ଶିହରାଇ ତନୁ ମନ,
ଆଷାଢ଼କୁ କରି ଶତ ଆଲିଙ୍ଗନ
ଆନନ୍ଦେ ସର୍ବେ ମଗନ ।୧।
ଆ'ଗୋ ବର୍ଷାରାଣୀ ନବ ପଲ୍ଲବିନୀ
ଆସ ଗୋ' ଓହ୍ଲାଇ ଧୀରେ,
ତୁମ ବିନା ଲାଗେ ଶୁଷ୍କ ଏ ' ଧରଣୀ
ସନ୍ତାପିତ ହୃଦୟରେ ।
ଘଡ଼ଘଡ଼ି ଶଦ୍ଦେ ବିଜୁଳି ଚମକେ
ଝମାଝମ୍ ବାରିଧୀରେ ,
ଆଷାଢୀ ମେଘର ଶୀତଳ ପରଶେ
ପ୍ରେମ ସୁଧାରସ ଝରେ ।
ପ୍ରୀତି ପରଶରେ ଝରେ ମାଦକତା
କୁଆଁରୀ କୁମୁଦ ମେଳେ ,
ବୃକ୍ଷ ଆଢୁଆଳେ ଶୀତଳ ସମୀରେ
ଝୁଲି ଝୁଲି ଦୋଳି ଖେଳେ ।
ଆ'ଗୋ ମଉସୁମୀ କି' ଉପମା ଦେବି
ଭାଷା ପାଉନାହିଁ ମୁହିଁ ,
ନିଃଶବ୍ଦ ରାତ୍ରୀରେ ଭାଙ୍ଗେ ନିରବତା
ଜହ୍ନ ବାଦଲକୁ ଚାହିଁ ।
ପ୍ରକୃତିର ଏହି ସୁରମ୍ୟ ସୁଷମା
ବିହି ରଚିଥିଲା ବସି ,
ଧରା ଠାରୁ ନେଇ ଦିଗ୍ ବଳୟ ଯାଏଁ
ସଭିଏଁ ହୁଅନ୍ତି ଖୁସି ।