ଫଗୁଣ ର ରଙ୍ଗ

 ମୋ ହାତରେ ରଙ୍ଗ ମୁଠେ ଦେଇଯା

ମାଖିବି ଆକାଶକୁ

କେବେଠୁ ପୃଥିବୀଟା 

ଧୂସର ହେଲାଣି

ଋତୁ ସବୁ ବାଟ ଭାଙ୍ଗି ଚାଲିଛନ୍ତି

କେଜାଣି ମୁହୂର୍ତ୍ତଟି କେବେ ପାଖକୁ ଆସିଯିବ

ଜହ୍ନଟା ଖୋଜିବାରେ ବ୍ୟସ୍ତ ଥିବ ନଡ଼ିଆ ଗଛ ଫାଙ୍କ,

ଗାଁ ବିଲ,

ଉଞ୍ଚା ମାଟି ପିଣ୍ଡାର ଚାଳ ,

ପାହାନ୍ତିଆ ତାରାର ଛବିରେ

ବଉଳ ହେନାର ବାସ୍ନା ଛୁଟିବା ଆଗରୁ 

ପୁଣି ଥରେ ଗାଆଁର ମୋଡ଼ ଦିଶିବ

ଭଙ୍ଗା ଖପରା ଖେଳରେ 

ମିଶୁଥିବ ହୋଲିର ରଙ୍ଗ

କେବେ ସବୁଜ କେବେ ଗୋଲାପୀ

ଆମେ କିନ୍ତୁ ସାଉଁଟିବାରେ ବ୍ୟସ୍ତ ଥିବା କିଛି ନାଲି କୃଷ୍ଣଚୁଡା ଭିତରେ ଫଗୁଣର ରଙ୍ଗକୁ

ଅନ୍ଧାର ଆସିବା ପୂର୍ବରୁ