ଫେରିଆସ ଶ୍ରୀମନ୍ଦିର

ଶ୍ରୀହୀନ ଲାଗୁଛି  ଶ୍ରୀମନ୍ଦିର ପ୍ରଭୁ

    ତୁମ ବିନା ତୁମ ବିନା

ନୀଳଚକ୍ରେ ପ୍ରଭୁ ବାହୁନି କାନ୍ଦୁଛି

    ପତିତପାବନ ବାନା

ବଡଦାଣ୍ତ ଧୂଳି   ଝୁରୁଛି ତୁମକୁ

    କେଣେ ଗଲ ମହାବାହୁ

ତୁମ ବିନା ପ୍ରଭୁ  ଏ ଛାର ଜୀବନ

    ପ୍ରାଣ ପକ୍ଷୀ ଉଡି ଯାଉ

ଲକ୍ଷ୍ମୀମାତା ଆମ କାନ୍ଦନ୍ତି ବାହୁନି

   କେଣେ ଗଲ ପ୍ରଭୁ ମୋର

ଛଅ ଦିନ କହି   ନଅ ଦିନ ଯାଏ

    ନଫେରିଲ ଶ୍ରୀମନ୍ଦିର

ଭକ୍ତ ଭାବଗ୍ରାହୀ  ଭକତ ପ୍ରେମରେ

    ହୋଇଲ କି ଅବା ବାଇ

ନା ମାଉସୀ ମାଆର କୋଳେରେ ଶୋଇଛ

   ପୋଡପିଠା ତୁମେ ଖାଇ

ଭାଇ ଭଉଣୀକୁ  ସଙ୍ଗତରେ ନେଇ

    ବାହୁଡା ରଥରେ ବସି

ଶ୍ରୀମନ୍ଦିର ମୁଖେ  ଆସ କଳାମୁଖ

     ଦୁଃଖ ସରି ଆସୁ ଖୁସି 

ଫେରି ଆସ ଫେରି ଆସ ମହାପ୍ରଭୁ

     ଶ୍ରୀମନ୍ଦିରକୁ ଯେ ତୁମ

ବାହୁଡା ରଥରେ ଭକତ ମେଳରେ

     ଦେଇ ଭକ୍ତକୁ ଦର୍ଶନ