ଫେରିଆସ ପ୍ରିୟେ
ଫେରିଆସ ପ୍ରିୟେ
1 min
111
କାହା ଚାହାଣୀଟି ଝୁରେ ଆଜି ବି ତୁମ ଶ୍ରୀମୁଖ
ସେ ଚାହାଣୀ ଅନ୍ତଃ ସ୍ଥଳେ ଦେଖି ଯା’ ତୁମ ପ୍ରତୀକ l
ସମୀର ସଞ୍ଚାରେ କର୍ଣ୍ଣେ ତୁମ ଚାପା ଗୁଞ୍ଜରଣ
ସେ ସଞ୍ଚାର ମର୍ମେ ଭେଦେ ଅନଳ ସ୍ଫୁଲିଙ୍ଗ ସମ
ତୁମ ପ୍ରତୀକ୍ଷାର ସଞ୍ଜ ସରିନି ଏ ଯାଏଁ ଦେଖ
କାହା ଚାହାଣୀଟି ଝୁରେ ଆଜି ବି ତୁମ ଶ୍ରୀମୁଖ l
ସେଇତ ପାଦପ କୋଳ, ସେଇ ଝରଣାର ଜଳ
ଦିଶେ ତୁମ ମୁଖରେଖା ଜାଳି ହୃଦ ତିଳ ତିଳ
ତୁମ ହସ ଧାର ମୋତେ ସାଜଇ ନିତି ଭାବୁକ
କାହା ଚାହାଣୀଟି ଝୁରେ ଆଜି ବି ତୁମ ଶ୍ରୀମୁଖ l
ଏକାକୀ ପଥ ନିର୍ଜନ, ଲାଗେ ସବୁ ଶୂନ୍ୟ ଶୂନ୍ୟ
ଜୀବନର ଚଲା ପଥେ, ଦିଗହରା ଅକୀଞ୍ଚନ
ଫେରିଆସ ଅଭିମାନୀ ଅସହ୍ୟ ଲାଗେ ଏ ଶୋକ
କାହା ଚାହାଣୀଟି ଝୁରେ ଆଜି ବି ତୁମ ଶ୍ରୀମୁଖ l