ଫେରିଆସ ପିଲାଦିନ

ସମସ୍ଯାରେ ପଡି ଗଲେ ପଥ ହୁଡି

ତୁମକଥା ମନେପଡେ,

ପିଲାଙ୍କ ମେଳରେ ଥଟ୍ଟାମଜା ବେଳେ

ତୁମକଥା ମନେପଡେ।

ବୃଦ୍ଧ ବୟସରେ ଅଲୋଡା ହୋଇଲେ

ତୁମକଥା ମନେପଡେ,

ପରାଧିନେ ରହି ଭାଗ୍ଯକୁ ନିନ୍ଦଇ 

ତୁମକଥା ମନେପଡେ ।

ନିଃସଙ୍ଗ ହୋଇଲେ ମନ ମରିଯାଏ 

ତୁମକଥା ମନେପଡେ,

ଜୀବନକାଳରେ କର୍ମ ବନ୍ଧନରେ 

ତୁମକଥା ମନେପଡେ ।

ଖାଇବା ବେଳରେ ସ୍ବାଦ ନ ଲାଗିଲେ

ତୁମକଥା ମନେପଡେ,

ଅଝଟପଣରେ ଅମାନିଆ ହେଲେ

ତୁମକଥା ମନେପଡେ।

ଖୋଲା ମନୋଭାବ ଚିନ୍ତନ ବିହିନ

ହସଖୁସି ଅନୁବ୍ରତେ 

ଆହେ ବାଲ୍ଯକାଳ ଫେରିବକି ଥରେ

ତୁମେ ମନେପଡ କେତେ ।