ଫେରିଆ ଫେରିଆ ମୋ ସୁନା ଶୁଆ

• ଫେରିଆ ଫେରିଆ ସୁନା ଶୁଆ ମୋର

• କବିଶ୍ରୀ ପ୍ରଫୁଲ୍ଲ ଚନ୍ଦ୍ର ମିଶ୍ର , ମଙ୍ଗଳାଯୋଡି , ଖୋର୍ଦ୍ଧା

• ---------- -------------------- ----------

• ଫେରିଆ ଫେରିଆ ମୋ ସୁନା ଶୁଆ

• ମୋ ଜୀବନ ବାରିଧି ତରୀ

• ମୋ ଆଶା ଆକାଶ ଚନ୍ଦ୍ରଉଦିଆ ରେ

• ମୋ ପ୍ରଥମ ସପନ କଳୀ ,ଫେରିଆ ଫେରିଆ…।।

•

• ଖୋଲା ପଡିଅଛି ସୁବର୍ଣ୍ଣ ପଞ୍ଜୁରୀ

• ଲାଗୁଅଛି ଖାଲି ଖାଲି

• ତୋ ସ୍ଵର ମୋ କାନେ ଗୁଞ୍ଜରଣ ଆଣେ

• ପାରୁନି ପାରୁନି ଭୁଲି ,ଫେରିଆ ଫେରିଆ…।।

•

• ମୋ ଜୀବନ ବନ ବିଥୀ ରେ ଧନରେ

• ଶୁଭ୍ର ପୁଷ୍ପ ବାଶ ମଲ୍ଲୀ

• ନନ୍ଦନ ବନର ପାରିଜାତ ମୋର

• କେମିତି ଯିବି ମୁଁ ଭୁଲି ,ଫେରିଆ ଫେରିଆ…।।

•

• ବିକଳ,ଆକୁଳ, ଆତୁର ଆଖିରୁ

• ଲହୁ ଝରେ ଲୁହ ପରି

• ଆଖି ନଫୁଟି ମୁଁ ଅନ୍ଧ ତ ହେଲିଣି

• ବଂଚିଥାଉ ମରିଗଲି ,ଫେରିଆ ଫେରିଆ…।।

•

• ମନ ମାନୁନାହିଁ ବାଷ୍ପରୁଦ୍ଧ ପ୍ରାଣ

• ବାଟ ମୋର ମରୂବାଲି

• ସମାନ ନିଦାଘ ତାପିତ ବାଲିରେ

• ଆଉ ନପାରଇ ଚାଲି ,ଫେରିଆ ଫେରିଆ…।।

•

• ମୋ ବୁକୁ ଫଟା କୋହ କରେ ରେ ଅଥୟ

• ମୋ ସାତ ସାଇତା ସଂପତ୍ତି

• ସେ କେଉଁ ଦାରୁଣ ଦଇବ ଛଡାଇ

• ମୋ କୋଳ କଲା ରେ ଖାଲି ,ଫେରିଆ ଫେରିଆ…।।

•

• କାହିଁ ଲୁଚିଅଛୁ ଅବାକିରେ ଧନ

• ସତେକି ଆସିବୁ ଫେରି

• ଉଷୁନା ଧାନ କି ଗଜା ହୋଇବରେ

• ଆହା ମୋ ନେତ୍ର ସଂଖାଳୀ ,ଫେରିଆ ଫେରିଆ…।।