ପଢ଼ିବା ଗୀତା ଖାଇବା ପିତା

ଭଲ କଥା ଯେ ଶିଖୁ ଅନେକ

ପଢିଲେ ଆମେ ଗୀତା

ଦେହ ମନ ତ ରୁହଇ ଭଲ 

ଖାଇଲେ ନିତି ପିତା ‌।

ବରଷା ହେଲେ ହୁଅଇ ଖୋଜା 

ପଖିଆ ଅବା ଛତା

ପଦାକୁ ପାଦ କାଢିଲେ ଆମେ

 ନିହାତି ଲୋଡ଼ା ଯୋତା।

ଘର ଛପର ପାଇଁକି ଆସେ

ନଡ଼ା ବାଉଁଶ ବତା

ଜେଜ ବଳନ୍ତି ଦଉଡି ବସି

 ବଳି ନଡ଼ିଆ କତା।

ଅଜା ଲେଖନ୍ତି ଘର ଖରଚ

ମେଲି ହିସାବ ଖାତା

ଆଈ ମୁଣ୍ଡ କୁ ଭାରି ସୁନ୍ଦର

ନାଲି ରିବନ ଫିତା ‌।

ମାଣ ଓଷା ରେ ଘର କାନ୍ଥରେ

ବୋଉ ପକାଏ ଚିତା

ବରଷା ପାଣି ଜମିବ ନାହିଁ 

ଖାଲ ହେଉଛି ପୋତା ।

ବାଡି ବଗିଚା ସୁନ୍ଦର ଦିଶେ

ଥିଲେ ତ ଗଛ ଲତା

ଗଛ ଲତା ଙ୍କ ଯତନ ନେଲେ

 ହୋଇବେ ଆମ ହିତା।

ଆମ ପାଇଁକି ଦିଅଁ ଦେବତା

 ଆମରି ପିତା ମାତା

ମନ ଲଗେଇ ପଢିଲେ ପାଠ

 ହେବା ଜଗତ ଜିତା ।

ଜଗତ ନାଥ ଶ୍ରୀ ଜଗନ୍ନାଥ 

ସାରା ଜଗତ ନେତା

ଭକତ ପାଇଁ ଆଖିରେ ତାଙ୍କ

ପଡେନି ଜମା ପତା।