ପାର୍ବଣ ଋତୁ
ପାର୍ବଣ ଋତୁ
ପାର୍ବଣ ଋତୁ ଏବେ ଆମ ପାଖକୁ ଆସିଛି
ମାଆଙ୍କୁ ଭକତ ଡାକୁଛି
କାଶତଣ୍ଡୀ ଫୁଲ ମର୍ତ୍ତ୍ୟରେ ଫୁଟିଛି
ମାଆ ଆସିବେ ବାରତା ସେ ଦେଇ ଯାଇଛି
ଆକାଶରୁ ବାରି ଧାରା ଉଛୁଳି ପଡୁଛି
ମାଆ ଆସିବେ ବୋଲି ସେ କହୁଛି
ଧରାଧାମ ଏବେ ସୁନ୍ଦର ଦିଶୁଛି
ଢୋଲ ମହୁରୀ ବାଇଦ ଶୁଭୁଛି
ଝୁଣା ଅଗୁର ମହ ମହ ବାସୁଛି
ରୁଣୁ ଝୁଣୁ ଘୁଙ୍ଗୁର. ଶବଦ ଶୁଭୁଛି
ସିଂହବାହନରେ ମାଆ ମୋର ବସି ଆସୁଛି
ଦଶଭୁଜା ହୋଇ ସେ ଭକ୍ତ ପାଖକୁ ଆସୁଛି
ମାଆ ମୋର ବିପଦ ହରିବ ବିଶ୍ୱାସ ରଖିଛି
ଭକତିର ଦୀପାଳି ହୃଦୟେ ଜାଳିଛି
ଦୁର୍ଗତିନାଶିନୀ ଦୁର୍ଗା ନାମ ତାର ହୋଇଛି
ବରଷକେ ଥରେ ଦୁଃଖ ବୁଝିବାକୁ ଆସୁଛି
ଶାରଦୀୟ ପାର୍ବଣରେ ସଭିଙ୍କ ମନ ନାଚି ଯାଉଛି
ମାର ଆଗମନେ ଧରଣୀ ରାଣୀ ହସୁଛି