ପାନ୍ଥଶାଳା – ୯

ଅବଶ୍ୟ ମଉଳି ଯାଇଛି ତା’ ବୈଠକିର ଗାରିମା

ଭୟ ନାହିଁ ଆଉ କେହି ଅଚାନକ ପଶି ଆସିବାର, କି

ଭୟ ମଧ୍ୟ ନାହିଁ

ଜରାଜୀର୍ଣ୍ଣ ତା’ର ବୈଠକଖାନାର

ଦଦରା ସିଂହାସନରେ ଉପବିଷ୍ଟ କେହି

ମହାମହୀମଙ୍କୁ୤

ଏଠିତ ଏବେ ଖାଁ ଖାଁ ଖରାବେଳ

ତତଲା ଝଞ୍ଜିରେ ଜଳି ଯାଇପାରେ ହିଆ

କିଏ ବା ଆସିବ ଏଠିକି

ଖୋଜିବାକୁ କୋହିନୂର ହୀରା

ଆସନ୍ନ ଅଂଶୁଘତ କୁ ବେଖାତିର କରି?

ଅପେକ୍ଷା କରିଛି କିନ୍ତୁ , ପାନ୍ଥଶାଳା

ହୁଏତ ଆସିବ କେହି ଜଣେ ନିର୍ଲୋଭୀ ପାନ୍ଥ

ଖାତିର୍‌ ନଥିବ ଯାରଅ ଜଳିବାକୁ

ଡହଡହ ଜୁଇର ନିଆଁରେ

ତତଲା ଝାଞ୍ଜି ବା’ କି ଛାର?

କିଏ କହିବ ?

କେବେ ପୂରଣ ହେବ ତା’ର ଏ ଆଶା

ଅମୋଘ ଏକ ସାନ୍ନିଧ୍ୟ ପାଇ

କେବେ ଜୀବନ୍ୟାଶ ପଇଯିବ ଏ ପ୍ରେତପୁରୀ

ପ୍ରତିକ୍ଷଣେ କରୁ କରୁ ସର୍ବେକ୍ଷଣ

କବର ଗ୍ରସ୍ଥ ପ୍ରେତଙ୍କ ତାଲିକା୤