ପାନ୍ଥଶାଳା –୧୧

 

ଖୋଜା ପଡିଛି ଏବେ ଜଣେ କୁଶଳୀ ଧର୍ମପଦଙ୍କୁ

ଯିଏ ମାରିଦେଇ ପାରିବେ ମୁଣ୍ଡି

ଏ ପାନ୍ଥଶାଳାର,

ଏହି ଆମ ଖଣ୍ଡିଆ କୋଣର୍କର।

ସତେ କଅଣ ଫେରେଇ ଆଣି ହେବ

ସବୁ ହୃତ ଗୌରବ

ଜଣେ ନୂଆ ଅନଭିଜ୍ଞ ଧର୍ମପଦଙ୍କର

ନିହଣ ମୂନରେ?

ପରତେ ଯାଉନି ସହଜେ

ଫେରି ଆସିବ ସତେ ସବୁ ମାଧୁର୍ଯ୍ୟ

ଆଉ ସବୁ ଚକମକି, ନିର୍ଦ୍ବନ୍ଦରେ।

ମନେ ତ ରଖିବକୁ ହେବ

ତାଳି ପକା କଥାରେ ଲିଭି ପାରେନା ମନାଗ୍ନି, କିମ୍ବା

ଅନ୍ଥରା ନିହଣରେ ଗଢାଯାଇ ପାରେନା

ସୁନ୍ଦର ସ୍ଥାପତ୍ୟ,

ପାନ୍ଥଶାଳା ବା’ ବାଦ୍‌ ପଡିବ କେମିତି?